Almaty polısıasy qarjy pıramıdasy alaıaqtarynyń jolyn kesti
Almatyda iri qarjy pıramıdasyn qurǵan alaıaq qamaýǵa alyndy, dep habarlaıdy Almaty-akshamy.kz.
İshki ister mınıstrligi saıtynyń deregi boıynsha, QR QK-niń 217-baby 3-bólimi 2-tarmaǵyna sáıkes sotqa deıingi tergeýdiń biryńǵaı tiziliminde tirkelgen qarjy pıramıdasyn qurý jáne basqarý boıynsha ASTEX.KZ JSHS, ACD technology JSHS, MUDARABAH CAPITAL JSHS jáne MUSHARAKAH CAPITAL JSHS qyzmetkerlerine qatysty qylmystyq isti tergeý sheńberinde, Almaty qalasynyń polısıasy ACD Tehnology negizin qalaýshy, 1971 jyly týǵan M. esimdi azamattyń ustalǵandyǵyn habarlady.
Bul jóninde Almaty qalalyq polısıa departamenti bastyǵynyń orynbasary Rústem Ábdrahmanov aıtty.
«Buryn habarlanǵandaı, basty tulǵa – K. esimdi azamat ustaldy jáne qamaýǵa alyndy. Keıinirek taǵy eki kúdikti – R. esimdi azamatsha men M. esimdi azamat ýaqytsha ustaý ızolátoryna qamaldy. Qylmystyq isti tergeýdi Almaty qalasy PD Tergeý basqarmasynyń tergeýshileri júrgizýde. Joǵaryda atalǵan JSHS qyzmetkerleriniń qylmystyq áreketterinen zardap shekken azamattar bizge myna telefondar arqyly habarlasa alady: 8 777 025 65 86 jáne 8 701 624 28 24», – dedi Rústem Ábdrahmanov.