Memleket búdjetiniń túsimi 349 mlrd teńgeni qurady.
Mamandar 2021 jyldyń birinshi jartysynda Almaty oblysy ekonomıkasynyń negizgi salalarynda ósim baryn aıtady, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap.
Oblystyq ekonomıka jáne búdjettik josparlaý basqarmasynyń málimetinshe, ónerkásipte ósim 15,8% bolyp, 683,3 mlrd teńgeni quraǵan, aýyl sharýashylyǵynda - 1,3% qurylys jumystarynda - 6,2%, bólshek taýar aınalymynda 3,1% ósim qamtamasyz etilgen.
Birinshi jartyjyldyqta 506 myń sharshy metr turǵyn úı iske qosylǵan, ıaǵnı bul ótken jyldyń osy merzimimen salystyrǵanda 105,8% teń. 258 mlrd teńge ınvestısıa tartylyp, 3,6% ósken, 36 myń jumys orny qurylǵan.
Memleket búdjetiniń túsimi 349 mlrd teńgeni qurady, sonyń ishinde jergilikti búdjet túsimi 173 mlrd teńge, ıaǵnı ótken jyl deńgeıimen salystyrǵanda 32% artqan.
Oblystyq ekonomıka jáne búdjettik josparlaý basqarmasynyń habarlaýynsha, óńirde 110 mlrd teńge bolatyn 65 ınvestısıalyq joba júzege asyrylýda. Sonyń ishinde birinshi jartyjyldyqta qýaty 1,2 mln tonnalyq «Alasem» sement zaýyty, 60 myń tonnalyq «Fıd Mılls» qurama jem zaýyty, jylyna 100 mln lıtr alkogólsiz sýsyndar shyǵaratyn Pure Pack zaýyty iske qosyldy. Budan bólek gaz jáne elektr plıtalaryn shyǵaratyn «Almaty turmystyq tehnıka zaýyty», «Frosko» jemis-jıdek saqtaý qoımasy, 50 MVt kún elektr stansasy jobalaryn júzege asyrý mejelenip otyr. Sóıtip, jyl sońyna qaraı ónerkásip óndirisiniń kólemi 1,3 trln teńgege, tartylǵan ınvestısıa 811 mlrd teńgege jetedi dep kútilýde.
Birinshi jartyjyldyqta 506 myń sharshy metr turǵyn úı iske qosylǵan, ıaǵnı bul ótken jyldyń osy merzimimen salystyrǵanda 105,8% teń. 258 mlrd teńge ınvestısıa tartylyp, 3,6% ósken, 36 myń jumys orny qurylǵan.
Memleket búdjetiniń túsimi 349 mlrd. teńgeni qurady, sonyń ishinde jergilikti búdjet túsimi 173 mlrd. teńge, ıaǵnı ótken jyl deńgeıimen salystyrǵanda 32% artqan.