Mundaı derekter birneshe shet memleketten qolma-qol shetel valútasyn deklarasıalaǵan 340 qazaqstandyqqa qatysty suralyp otyr, dep habarlaıdy Almaty-akshamy.kz
«Qarjy mınıstrligi Eýroodaqqa, Túrkıaǵa jáne BAÁ-ge atalǵan elderdiń kedendik aýmaǵyna kirý kezinde qolma-qol shetel valútasyn deklarasıalaǵan 340 Qazaqstan rezıdenti boıynsha aqparat berý týraly suraý jiberdi», - dep málimdedi Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi vedomstvoaralyq komısıa.
Sonymen qatar komısıa rezonans týdyrǵan isterdi tergeý barysyndaǵy halyqaralyq yntymaqtastyq aıasynda atqaryp jatqan jumys nátıjelerin ortaǵa saldy.
«Bas prokýratýra tergep-tekserý organdaryna urlanǵan aktıvterdi shetelden qaıtarý boıynsha qadamdyq algorıtmder, ádistemeler men suraý salý úlgilerin daıyndady. Árbir is boıynsha aktıvterdi qaıtarý strategıasy ázirlenýde, sonymen qatar qarjylyq tergep-tekserýler – «Aqshanyń izine tús» tujyrymdamasy iske asyrylýda. Aktıvterge tyıym salý, toqtatyp qoıý maqsatynda jedel sharalar qabyldanýda. Ol úshin «Carin» (Eýropa) jáne «Arin AP» (Azıa jáne Tynyq muhıty aımaǵy) sheteldik aqparat almasý jelileri paıdalanylady. Sondaı-aq Bas prokýratýra Dúnıejúzilik banktiń jáne BUU-nyń Esirtki jáne qylmys jónindegi basqarmasynyń urlanǵan aktıvterdi qaıtarý jónindegi bastamasymen yntymaqtastyq ornatty», - delingen komısıa aqparatynda.