Quzyret-fýnksıalary Esep komıtetine uqsas.
Qazaqstanda Esep komıteti joıylyp, ornyna jańa uıym qurylǵaly jatyr. Ol týraly erejeni bekitetin Prezıdent jarlyǵynyń jobasy jarıalandy, dep habarlaıdy Almaty-akshamy.kz Baq.kz silteme jasap.
Referendýmda qabyldanǵan Ata zańǵa sáıkes, Esep komıteti tarıh qoınaýyna ketip, memlekette Joǵary aýdıtorlyq palata (JAP) qurylýǵa tıis. Onyń tóraǵasyn – Joǵary aýdıtordy Prezıdent taǵaıyndaıdy. Palata tóraǵasy bul laýazymyn 5 jyl atqarady, Memleket basshysyna unasa, oryntaǵyn taǵy 5 jyl saqtaı alady.
Májilis Joǵary aýdıtordyń esebin jylyna eki ret tyńdaıdy. Biraq esebi unamasa, qyzmetine kóńili tolmasa, ony jumysynan qýa almaıdy. Parlamentte ondaı quzyr joq. Parlamentshilerdiń qolynan keletini – Májilis pen Senattyń árqaısysy JAP-tyń úsh múshesin 5 jyl merzimge qyzmetke taǵaıyndaıdy.
Bıyl jańarǵan Konstıtýsıanyń 99-babynda: "Konstıtýsıalyq sot jáne Joǵary aýdıtorlyq palata qurylǵanǵa deıin Konstıtýsıalyq keńestiń jáne Respýblıkalyq búdjettiń atqarylýyn baqylaý jónindegi esep komıtetiniń tóraǵalary men músheleri óz ókilettikterin saqtaıdy" delingen.
Bul palatanyń mindetteri retinde "halyqtyń turmys jaǵdaılary sapasynyń qarqyndy ósýin jáne eldiń ulttyq qaýipsizdigin qamtamasyz etý úshin ulttyq resýrstardyń (qarjylyq, tabıǵı, óndiristik, kadrlyq, aqparattyq) tıimdi jáne zańdy basqarylýyn taldaý, baǵalaý jáne tekserý" belgilengen. Quzyret-fýnksıalary Esep komıtetine uqsas.