Jyl basynan beri búdjettiń 65 mlrd teńgesi ıgerilmegen. Onyń 7 mıllrıardy - únemdelgen qarjy.
Bul týraly Úkimet otyrysynda Qarjy mınıstri Erulan Jamaýbaev málimdedi, dep habarlaıdy Almaty-akshamy.kz Qazaqstan.tv-ǵa silteme jasap.
Ásirese, Tótenshe jaǵdaılar, İshki ister, Densaýlyq saqtaý, Ekologıa, geologıa jáne tabıǵı resýrstar mınıstrlikteri kóp qarjyny ıgermegen. Buǵan qujattardyń uzaq rásimdelýi, shottardyń kesh usynylýy sekildi birqatar sebep bar. Degenmen, bıyl alǵashqy 5 aıda otandyq ekonomıkanyń ósý qarqyny 4,6 paıyzǵa deıin jedeldegen. Jyl basynan beri eksport kólemi ulǵaıdy. Saýda, qurylys, kólik, taý-ken óndirý ónerkásipteri, sýmen jabdyqtaý, aýyl sharýashylyǵy salalary oń ósim kórsetip otyr.
«Bes aıdyń qorytyndysyna sáıkes, Aqmola, Almaty, Qyzylorda jáne Shyǵys Qazaqstan oblystrynda, sonymen qatar Shymkent qalasy men elordada barlyq negizgi kórsetkishter boıynsha ósim tirkelip otyr. Jaýapty memlekttik organdar men ákimdikter osy jumys qarqynyn saqtaý kerek. Ol úshin ekonomıkany ártaraptandyrý, ınvetısıalardy tartý jáne jańa turaqty jumys oryndaryn qurýdy jalǵastyrý qajet», - deıdi QR Premer-Mınıstri Álıhan Smaıylov.