Kishi jambas kóktamyrynyń túıilip keńeıýi ádette bala tabýǵa qabiletti jastaǵy áıelderdiń arasynda keńinen taralady.
Ortalyq qalalyq klınıkalyq aýrýhanada kishi jambas kóktamyryna embolızasıa júrgizý boıynsha ınovasıalyq master-klass ótti, dep habarlaıdy Almaty-akshamy.kz
Alǵash ret OQKA rentgen hırýrgy Sultan Ilıev endovaskýlárly hırýrg Qaster Baıjanulymen birlese otyryp kóptegen ýaqyt boıy kishi jambas kóktamyrynyń túıilip keńeıýimen aýyrǵan 30 jastaǵy qyzǵa kishi jambas embolızasıasyn jasady.
Bul - qannyń jynys músheleri arqyly aǵatyn tamyrlarynyń keńeıýi. Sondaı-aq kóktamyr aýrýy dıametr sheginde on mıllımetrge deıin keńeıedi de, júıke talshyqtarynyń qysylyp aýrýyna ákeledi.
Bul degenimiz - tirshilik etý sapasynyń tómendeýi, psıhoemosıonaldy kúızeliske túsýi, otbasylyq túsinispeýshilik pen naýqastardyń áleýmettik beıimsizdenýi. Ókinishke oraı, jambas (kishi) kóktamyrlarynyń keńeıýine baılanysty kishi jambas kóktamyrynyń túıilip keńeıýiniń 15-20% kóbinese áıelder arasynda kezdesedi. Kishi jambas kóktamyrynyń embolızasıasy - bul sozylmaly jambas aýrýyna aparatyn, jambas pen analyq bezdiń kóktamyryn jelimdeýge baǵyttalǵan em túri.
«Kishi jambas kóktamyrynyń túıilip keńeıýiniń taralýy jas ereksheligine qaraı ulǵaıýda. Jambas kóktamyrynyń patologıasy kóbinese 25-45 jas tobyndaǵy naýqastarda reprodýktıvti kezeńde anyqtalady. Kishi jambas kóktamyrlarynyń embolızasıasy- 20-30 mınýt ǵana ýaqyt alatyn em túrin shuǵyl júrgizýdegi zamanaýı ınovasıalyq ádistemeniń biri. Kishi jambas kóktamyryna embolızasıa júrgizý úshin, jergilikti anestezıa qoldanylyp, naýqas birer saǵattan soń óz betimen jyljyp qozǵala bastady», - dedi Sultan Ilıev.
Mamannyń aıtýynsha, atalmysh ádistemeni qoldanýdan keıin ońaltý kezeńinde az ǵana ýaqyt aýyrsyný bolady. Tipti 1-2 aıdan soń naýqas kóktamyrynyń túıilip keńeıýi aýrýyn umytyp ta ketedi.
«Emdik aralasýdan keıingi birneshe aptadan soń bala týý qabileti qalpyna kelip, kishi jambas jaǵyndaǵy aýyrsyný joǵalady», - dep túıindedi óz sózin.