Qaı qoǵamnyń, qaı eldiń mádenıettiligi men bolashaǵy – olardyń qarıalary men balalaryna kórsetip otyrǵan meıirimimen, jasap otyrǵan qamqorlyǵymen ólshenedi. Jetimin jylatpaǵan, jesirin qańǵyrtpaǵan halqymyzdyń yqylym zamannan beri kele jatqan ıgi dástúrlerin óziniń egemendi el bolyp qurylǵan alǵashqy kúnderinen bastap buzbaı, saqtap kele jatqan memleketimiz balalardan qamqorlyǵyn, qarttarynan qurmetin aıaǵan emes. Olarǵa turaqty túrde jasalynyp otyrǵan áleýmettik qoldaý-kómekterdi aıtpaǵannyń ózinde, jylyna bir ret keń kólemde ataýly merekeleri de atalyp ótedi.
Qarıasyn qazynaǵa balaıtyn elimizde birinshi qazannan bastap qarttar aılyǵy bastaldy. Bir kúndi emes, bútin aıdy enshilegen qarıalarǵa dál osy kezde qurmet eselenedi.
Bul rette qarıalardy qoldaý aılyǵyna oraı №179 jalpy bilim beretin mektepte "Meıirimdilik pen qurmet", "Ata-anańa qońyraý shal" paraqshalardy tarqatý aksıasy aıasynda mektebimizdiń oqýshylary "Úlkenge qurmet, kishige izet" taqyrybynda aýdanymyzdaǵy qarıalarǵa quttyqtaý paraqshalaryn taratyp, batalaryn aldy. Halqymyzda «Qartyn syılaǵan eldiń qazynasy mol» degen ulaǵatty sóz bar. Qarttarymyz — ultymyzdyń altyn qazynasy, sarqylmas baılyǵy. Búginde elimizde qarttarǵa úlken mán berilip, úkimet tarapynan jan-jaqty qamqorlyq jasalady. Qazaqstannyń ósip- órkendeýine, elimizdiń beıbitshilik tynysh ómir keshýine óz úlesin qosqan osy ardaqty da aıaýly qarttarymyzdyń arqasy.
Ult danalyǵynda «Atańa ne qylsań, aldyńa sol keledi» degendi bildiredi. Endeshe árbir búgingi jas erteńgi ata-áje ekenin uqqan durys. Sol úshin úlkenge izetpen qaraý kerek. Qarıalarymyzdyń danalyǵyn qashan da alǵa ustap, sodan úlgi-ónege alyp, keıingi jastarǵa sol ulaǵatty tabystaǵan urpaqtyń ókili ekendigimizdi eshqashan umytpaýymyz kerek. Óıtkeni jastyq – asyl arman, bıik senimge jeteleıtin jas desek, sol ótken kúnderdiń enshisindegi ómir joldarynda eli úshin eren eńbek sińirgen ardagerlerimizdi qurmetteý – barshamyzdyń ortaq ta, qasterli mindetimiz bolyp tabylady.
Qurbanbaeva Aıagóz, №179 jalpy bilim beretin mekteptiń qazaq tili men ádebıeti pániniń muǵalimi