Veloshabandoz Alekseı Lýsenko jekeleı jarysta altyn medal jeńip aldy, dep habarlaıdy almaty-akshamy.kz.
Alekseı qytaı men Gonkong sportshylarynan ozyp, 39,7 km qashyqtyqty 48:05.75-te júrip ótti. Bul Alekseıdiń sporttyq mansabyndaǵy Azıa oıyndarynyń 4-shi medali.
Danıl Musabaev batýttyq gımnastıkada Azıadanyń kúmis júldegeri atandy.
Qazaqstan quramasyna taǵy 2 kúmis medaldi baıdarka men kanoede eskek esýshiler ákeldi: olar Tımofeı men Sergeı Emelánovtar 1000 m kanoede esý, sondaı-aq Margarıta Torlopova men Ýlána Kıseleva 200 m kanoede esý.
Qola medal jeńip alǵandar:
Rınata Sultanova – tas joldaǵy velojarys (jekeleı jarys);
Nadejda Dýbovıskaıa -bıiktikke sekirý;
Karolın Chepkoech Kıpkırýı-5000 m júgirý;
Marıa Brovkova-baıdarka men kanoede esý (WS1, 200 m);
Aslanbek Shymbergenov-boks (71 kg).
Boksshy Qamshybek Quńqabaev +92 keli salmaq dárejesinde fınalǵa shyǵyp, Úndistannan kelgen qarsylasyn senimdi túrde jeńdi.
10-shy jarys kúniniń qorytyndysy boıynsha Qazaqstan quramasynyń qorjynynda 5 altyn, 10 kúmis jáne 32 qola júlde bar.