Bıyl alǵash ret Muǵalimder kúni merekesi 5 qazanǵa bekitildi. Erteń Astanada Respýblıkalyq pedagogter sezi ótedi. Oǵan elimizdiń barlyq óńirinen 700-ge jýyq muǵalim qatysady. Pedagogter arnaıy uıymdastyrylǵan alańdarada ozyq eńbekterimen jáne halyqaralyq tájirıbelermen bólisedi, dep habarlaıdy almaty-akshamy.kz
Búgingi tańda elimizdegi bilim berý salasynda mektepke deıingi, orta, tehnıkalyq jáne kásiptik bilim berý baǵytynda 500 myńǵa jýyq pedagog jumys isteıdi.
Memleket basshysynyń bastamasymen 2019 jyly pedagogterdiń mártebesi jeke zańmen bekitildi. 2020 jylǵy qańtardan 2023 jylǵy qańtarǵa deıin tárbıeshilerdiń jalaqysy jyl saıyn 25%-ǵa kóterildi. 2023 jylǵy 1 qyrkúıekten bastap taǵy 30%-ǵa ósti. Osylaısha, 97 myńnan astam pedagogtyń jalaqysy 2,5 esege artty.
Mektepke deıingi bilim berý júıesiniń kadrlyq áleýetin kúsheıtý maqsatynda 20390 pedagog óziniń kásibı biliktiligin arttyrady. 79 mektepke deıingi uıymda «Quzyrettilik ortalyqtary» jumys isteıdi, onda tárbıeshiler tájirıbe almasyp, úzdikterin tarata alady.
Sonymen qatar, Úkimet balabaqshalarda jańa oryndar ashý boıynsha sharalar qabyldaýda. Jyl basynan beri 29620 oryndyq 307 mektepke deıingi uıym ashyldy. Jyl sońyna deıin balabaqshalarda barlyǵy 81 myń jańa oryn, al 2025 jylǵa deıin 223 myń jańa oryn ashý josparlanýda.
Búgingi tańda Oqý-aǵartý mınıstrligi mektepke deıingi uıymdarǵa kezektilikti esepke alýdyń biryńǵaı derekqoryn qurýda. Bul qyzmetterdiń ashyqtyǵyn qamtamasyz etedi, derekterdiń biryńǵaı tizilimin qurady jáne sybaılas jemqorlyq táýekelderin azaıtýdy qamtamasyz etedi.