Almatylyq dárigerler áıeldiń jatyrynan úlkendigi qarbyzdaı analyq bez jylaýyǵyn alyp tastady
56 jastaǵy áıel aýrýhananyń qabyldaý bólimine ishiniń aýyrsynýyna jáne álsizdikke shaǵymdanyp tústi. Tekserý barysynda dárigerler naýqastyń ish qýysynda 30-40 sm bolatyn isik túzilisin anyqtady, naýqastyń aıtýynsha, ol úsh jyldan beri ishiniń ulǵaıǵanyn baıqaǵan. Jylaýyq mólsheri tolyq merzimdi júktilikke sáıkes keldi.
«Ota jasaý týraly sheshim birden qabyldandy. Biz 11 lıtr uıyma quramdy analyq bez isigin sátti alyp tastadyq. Otadan keıingi alǵashqy saǵatta pasıent aıtarlyqtaı jeńildik sezindi. Otadan keıingi kezeń jaqsy ótip, naýqas tez saýyǵa tústi. Kómektese alǵanymyzǵa qýanyshtymyz», – deıdi Almaty №8 qalalyq klınıkalyq aýrýhanasynyń gınekologıa bólimshesiniń meńgerýshisi Dmıtrıı Saı.
Mundaı ota joǵary kásibı dárigerler tobyn qajet etetini sózsiz. Joǵaryda atalǵandaı úlken zaqymdanýdy eń az asqynýmen joıý hırýrgıalyq top úshin naǵyz jetistik.
Dárigerler densaýlyqqa ortaq jaýapkershilik týraly basa aıtyp, dárigerge kórinýdi keshiktirmeýdi jáne únemi skrınıngtik tekserýden ótýdi suraıdy.