Qarjy mınıstrligi mektepter men balabaqshalarda júrgizilgen aýdıt barysynda mıllıardtan astam teńgeniń urlanǵanyn anyqtady. Tekserý barysynda 36 uıymnan zań buzýshylyqtar tabyldy, dep habarlaıdy aqshamnews.kz
Vedomstvo búdjet qarajatyn urlaýdyń eń keń taralǵan sqemalarymen bólisti:
1. Qosarlanǵan esep jáne jalaqyny kóterý: Mysaly, Aqtóbe qalasyndaǵy №48 orta mektepte býhgalterdiń resmı jalaqysy jylyna shamamen 700 myń teńgeni quraǵan. Alaıda, shyn máninde, sol qyzmetkerdiń kartasyna aı saıyn 3-5 mıllıon teńge aýdarylyp otyrǵan.
2. Jalǵan qyzmetkerlerge aqsha aýdarý: Qujattar boıynsha bir qyzmetkerge jalaqy eseptelgenimen, is júzinde basqa adamdardyń esepshottary paıdalanylǵan. Mysaly, Qaraǵandy qalasyndaǵy №33 balabaqshada ondaǵan qyzmetkerdiń jalaqysy eki býhgalterdiń kartalaryna aýdarylǵan. Bul alaıaqtyqtyń nátıjesinde 207,4 mıllıon teńge urlanǵan.
3. Anomaldy joǵary somalarmen qaıtalanatyn aýdarymdar: Petropavl qalasyndaǵy №42 orta mekteptiń bas býhgalteri men ınformatıka páni muǵalimi tek 2023 jyldyń ózinde aıyna úsh retten artyq kóterilgen jalaqy alǵan. Bul áreketterdiń saldarynan jalpy shyǵyn 69 mıllıon teńgeni quraǵan.
Qarjy mınıstrliginiń baspasóz qyzmeti bul sqemalardyń tek eń tanymaldary ekenin atap ótti. Mundaı alaıaqtyq áreketter búdjet qarajatyn urlaýdyń túrli tásilderi arqyly jasalǵan.