Prezıdenttikke kandıdat Qaraqat Ábdenniń el óńirlerindegi saılaýaldy saparlary jalǵasýda. Búgin ol Shymkent qalasynyń saılaýshylarymen júzdesip, óziniń saılaýaldy baǵdarlamasyn tanystyrdy.
Qala turǵyndary, týrısik sala mamandary, qazaq ulttyq taǵamdaryna negizdelgen meıramhanalardyń ókilderi men kásipker áıelder qatysqan kezdesý barysynda qoǵamdaǵy ózekti máseleler men týrızmdi damytý suraqtary talqylandy.
«Shymkent qalasynyń ishki jáne syrtqy týrızmdi damytýda áleýeti óte zor. Jańa jumys oryndarynyń ashylýy men ınfraqurylymnyń jaqsarýy – bul týrızmdi damytýdyń bir ǵana qyry. Osy salany jetildirý arqyly biz elimizdiń ulttyq jáne tarıhı-mádenı qundylyqtaryn keńinen nasıhattaı alamyz. Qazaq ulttyq taǵamdaryn jańǵyrtyp, týrıserdi qyzyqtyrýdyń eń utymdy baǵytyn damytyp júrgen kásipkerlerdiń de bastamalaryna qoldaý kórsetý kerek»,- dedi Q.Ábden.
Saılaýshylarmen kezdesýden keıin kandıdat óńirdiń tynys-tirshiligimen tanysyp, qalada ótip jatqan «Kóksaraı» fýtbol týrnıriniń jeńimpazdarymen kezdesti. Óziniń quttyqtaý sózinde Qaraqat Ábden buqaralyq sport pen salaýatty ómir saltyn nasıhattaýdyń mańyzyn erekshe atap ótti.
Budan bólek, kandıdat aımaqtaǵy saılaýaldy shtabynyń ókilderimen júzdesip, úgit-nasıhat jumystarynyń nátıjelerimen tanysty.
Eske salsaq, elimizde 20 qarasha kúni kezekten tys prezıdent saılaýy ótedi. KandıdatQ.Ábden el aımaqtaryn aralap, 8 oblysta 30-dan astam kezdesý ótkizdi. Aldaǵy ýaqytta ol Túrkistan jáne Jambyl oblystarynyń saılaýshylarymen júzdesedi.