Qazaqstan Respýblıkasynyń Prezıdenttigine kandıdat Jıgýlı Daırabaev Almaty qalasyna jaqyn jerdegi Chapaev kenti mańyndaǵy jylyjaıǵa bardy. Tórtinshi býyndaǵy zamanaýı jylyjaı 5 gektar aýmaqta ornalasqan.
«Eurasian Green Product» kásiporny «Aýyl» partıasynan saılanǵan máslıhat depýtaty Jandos Tursynǵalıevtiń usynysy jáne Agrarlyq nesıe korporasıasy qoldaýymen qurylǵan. Joba taza eksportqa baǵyttalǵan. Reseıge qyzanaqtyń túrin shyǵarady. Ónimder atalǵan elde úlken suranysqa ıe. Joba tıimdi bolǵandyqtan kásiporyn aýmaǵyn keńeıtýge múddeli. Biraq máseleni sheshýge elektr qýaty baǵasynyń óte qymbattyǵy múmkindik berer emes. Qazir burynǵydaı túngi-kúndizgi tarıf joq. Bárine bir baǵa. Qystygúni iske asyrylatyn jasandy kún sáýlesine orasan kólemde elektr qýaty tutynylady. Jasandy jaryqqa bir jylda 300 mıllıon teńge qarajat jumsalady eken.
«Biz eksportty damytqymyz kelse buǵan jol bermeýimiz kerek. «Eurasian Green Product» kásiporny elektr qýatyn eń tómengi mólsherleme, tarıf boıynsha alýy tıis. Tarıf nelikten qymbat? Sebebi orta joldan qosylǵan deldal kóp. Keńseden basqa eshteńesi joq olar elektr qýatyn óndiretin kompanıalardan qýat satyp alyp, ústeme baǵa qosyp satady. Mundaı jaǵdaıda mynadaı kásiporyndardy, eksportty damytý múmkin emes. Eger biz jalpy eksportty, qaıta óńdeýdi damytqymyz kelse mynadaı zamanaýı jylyjaılarǵa, aýyldyq jerlerde jumys isteıtin, tarıfterdi tóleýde belgili bir qıyndyqtarǵa tap bolatyn óndiristik nysandarǵajalpy tarıfter boıynsha eń jaqsy jaǵdaı jasaýymyz kerek», - dedi kandıdat.
Kezdesý sońynda jylyjaı kesheniniń qyzmetkerleri kandıdattyń aldaǵy isterine tabys tiledi.