Almaty oblysynyń turǵyny mýzyka festıvaline qatysýshylardyń telefondaryn urlap ketken.
Almaly aýdandyq polısıa qyzmetkerleri buryn sottalǵan 41 jastaǵy D. esimdi azamatshany ustady. Azamattardyń qaýipsizdigin qamtamasyz etý, sondaı-aq zańsyz derekterdiń jolyn kesý maqsatynda jedel ýákilderdiń resýrstary kúsheıtildi, dep habarlaıdy Almaty-akshamy.kz.
Polisia.kz málimetine qaraǵanda, mereke kúnderi adamnyń kóptigin paıdalanyp, D. esimdi azamat úsh telefon urlap ketken.
«Kúdikti qamaýǵa alyndy. Qazirgi ýaqytta onyń jeke basy basqa da qylmystarǵa qatysy bar-joǵyna tekserilip jatyr. D.esimdi azamatsha – Almaty oblysynyń turǵyny, buryn múliktik qylmystar jasaǵany úshin birneshe ret qylmystyq jaýapkershilikke tartylǵan», – deıdi Almaly aýdandyq polısıa basqarmasynyń bastyǵy Oljas Sháripov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.