Ońtústik Koreıada qazaqstandyq azamat 18-qabattan qulap mert boldy dep habarlaıdy Almaty-akshamy.kz.
Jergilikti Nocutnews basylymynyń habarlaýynsha, er adam Kımhe qalasyndaǵy turǵyn úıdiń tóbesine syrlaý jumystaryn júrgizý úshin qorǵanysh jolaǵyn ornatyp jatqanda abaısyzda sýaǵardy basyp, artynsha qulap ketken.
Qaıǵyly oqıǵa 21 qyrkúıekte jergilikti ýaqyt boıynsha saǵat 08.25 shamasynda (Astana ýaqytymen 11.25) bolǵan.
«Oqıǵa ornynan dereý aýrýhanaǵa jetkizilgenimen, ókinishke qaraı, aýyr jaraqat alǵan 47 jastaǵy er adamǵa medısına qyzmetkerleri kómek kórsete almady», - delingen habarlamada.
Qaza tapqan azamat zańsyz jumys istegen bolýy múmkin, sondyqtan óndiristegi jazataıym oqıǵalardy retteıtin zań onyń jumys berýshisine qoldanylmaıdy.
Qazirgi kezde eldiń Eńbek mınıstrligi jumys ornyndaǵy qaýipsizdik erejeleriniń buzylǵanyn anyqtaý úshin oqıǵa ornyn tekserip jatyr. Sondaı-aq polıseıler jazataıym oqıǵa ekenin nemese qasaqana kisi óltirý deregi ekenin anyqtaýǵa kiristi.