Marokkodaǵy halyqaralyq kınofestıvalde rejısser Gúlnar Sársenovanyń "Nartaı" týyndysy "Eń úzdik rejıssýra" dep tanylǵan.
Ýzýd taýly mekeninde alǵash ret ótip jatqanyna qaramastan festıválge Eýropa men Afrıkanyń tanymal ókilderi jınaldy. Bizdiń fılm synshylardyń ǵana emes, qalyń kórermenniń de kózaıymyna aınaldy, dep habarlaıdy Almaty-akshamy.kz
24.kz-tiń habarlaýynsha, qazaq tankısi týraly dramanyń unaǵany sonshalyq, ony Marokkoda birden kórsetý týraly usynys jasaldy. Jalpy bul eldi "Afrıkanyń Golllıvýdy" dep ataıdy.
«Marokko men Qazaqstannyń saıasat, ekonomıka jáne basqa da salalar boıynsha qarym-qatynasy jaqsy damyp keledi. Onyń ústine, bir-birinen alysta ornalasqanyna qaramastan qos memlekettiń ortaq tustary óte kóp. Bul mádenıette shekara bolmaıtyndyǵynyń jarqyn dáleli bolsa kerek», - deıdi Marokko koroliniń mádenıet jónindegi keńesshisi Bahıja Sımý.
«Qazaq kınosyna degen qyzyǵýshylyq óte joǵary. Osylaısha jergilikti halyq bizdiń elimizdi, mádenıetimiz týraly kóbirek bilgisi keledi. Kórermender qazaq kınomektebiniń deńgeıi osynshalyqty joǵary bolatynyn kútpegenin jasyrmaı aıtady. Shynynda bizdiń fılmder arqyly bizdiń eldi keńinen tanýǵa bolady», - deıdi qazaq kınosy qaýymdastyǵynyń prezıdenti Andre Ivanov.