Aqtaýdaǵy «Qarakól» jasandy sý qoımasyna júzge jýyq qarabaı qusy ushyp keldi.
Sý aıdyny mańyndaǵy óndiristik alańda júrgen qanattylardy qala turǵyny vıdeoǵa túsirip, ǵalamtorda jarıalaǵan. Qarabaı qusy Qazaqstannyń Qyzyl kitabyna engizilgen. Buryn Aral teńizi men Torǵaı sý alaptarynda, sondaı-aq Balqash mańyndaǵy qamysty jerlerge uıa salatyn.
Qazirgi kezde tek Kaspııdiń soltústik bóliginde kezdesedi. Qamysty shabý nemese órteý, brakonerdiń is-áreketinen olardyń sany kúrt azaıyp barady. Osy oraıda ekologtar sırek kezdesetin qustarǵa jaqyndaýǵa, taǵam qaldyǵymen jemdeýge bolmaıtynyn kópshilikke eskertip jatyr.
- Eger de ań nemese qus túri Qazaqstannyń qyzyl kitabyna engizilgen bolsa, olarǵa zábir kórsetý zańmen qýdalanady. Bul rette kináli tulǵa ákimshilik aıyppul tóleýmen shektelmeı, oǵan qatysty qylmystyq is qozǵalýy da múmkin. Eskekaıaqty qanattylar túrine jatatyn Qarabaı - Mańǵystaýǵa kúzgi jáne kóktemgi kóshi-qon kezinde ushyp keledi. Kóshpeli qustardyń kúsh jınap, saparyn ári qaraı jalǵastyrýyna múmkindik berýimiz qajet, - deıdi ekolog Kırıll Osın.