1. Jýrnalısıkanyń aıasy óte keń: “Kimde kim aqparatqa ıe bolsa, álemdi sol bıleıdi” degen qaǵıda bar. Buǵan sonaý Alash qaıratkerleriniń bári jýrnalısıkany ulttyq qarý etkenin qosyńyz. “Dala ýáláıatynan” bastap “Qazaq”, “Aıqap” taǵy basqa basylymdardy qıyn-qystaý kezeńderde ne úshin shyǵarǵanyn eske alsaq ta jetkilikti. Jýrnalısıka - ulttyń aıbary, qarasózdiń qaıraǵy!
2. Jýrnalısıka - taza memleketshil tulǵalardy shyǵaratyn mamandyq. Jýrnalıser negizinen elshil, memleketshil, ultshyl kózqarasta tárbıelenedi. Elim degende etinen et kesip berýge daıar turatyn mártebeli mamandyq!
3. Kez kelgen qoǵamnyń negizgi ustyny - Ádildik! Jergilikti bılikten, sottan ádildik tappaǵandar gazet redaksıalaryna aqıqat izdep, arasha surap keledi. Ádiletti qoǵamnyń jarshysy da basqa mamandyq ókilderi emes, deni - jýrnalıser!
4. Jýrnalıs - eń birinshi suraq qoıý múmkindigine ıe maman. Qoǵamnyń jetistigi men kemshiligin, istiń nátıjesin, aqjoltaı jańalyqtar men eldiń muń-zaryn birinshi bolyp jetkizetin jedeldigi men ótkirligi taǵy bar. Patshadan bastap paqyrǵa deıin tikeleı suqbat alady, kez kelgen saladan habary mol, kózi qaraqty, kókiregi oıaý; kez kelgen jaǵdaıda 24 saǵat jumys isteı alatyn qabileti men daǵdysy bar jandardy qaıdan tabasyz?!.
5. Kez kelgen qoǵam aqparatqa, aǵartýshylyq pen tanymdyq dúnıege asa zárý. Osynyń bárin qamtamasyz etetinder de jýrnalıser!
6. Qoǵamǵa - joqshy, shyraqshy, saqshy, úgitshi, nasıhatshy, tilekshi adamdar kerek desek, qazaq qoǵamynyń qalǵyp ketpeýi úshin janyn da, baryn da salyp kele jatqan, bylyq-shylyqqa, jemqorlyqqa, aramdyqqa, qýlyq-sumdyqqa belsheden bata qoımaǵan taza bir mamandyq kerek bolsa, ony osy jýrnalıser aýylynan tabasyz.
7. Kez kelgen memlekettiń tili, dini, dili men salt-dástúri, ulttyq qundylyqtary - baǵa jetpes baılyq. Tildiń tazalyǵyn, sóıleý, jazý, oqý mádenıetin qalyptastyratyn da jýrnalıser qaýymy! Bir sózben aıtqanda, Muhtar Maǵaýınniń “Qazaq jýrnalısıkasy men pýblısısıkasy aqyn-jazýshylardan oq boıy ozyp ketti” degen baǵasy men Memlekettik keńesshi Erlan Qarınniń “Qazaq jýrnalısıkasy - ulttyq partıa mindetin atqaryp otyr”,- degen bir aýyz pátýáli pikiri talaı nárseden habar berse kerek!