Eń qyzyǵy, ár shınanyń búıirinde jylqynyń basy beınelenedi.
RIA Novostı-diń aqparatyna saı, Qaraǵandy oblysynda Attar brendimen kólik dońǵalaǵy shyǵarylady, dep habarlaıdy Almaty-akshamy.kz
"Tatneft" 2024 jyly Qazaqstanda jáne eksportqa satý úshin Attar brendimen shına shyǵara bastaıdy, dep málimdedi kompanıanyń baspasóz qyzmeti.
Kólik dońǵalaǵy Qaraǵandynyń Saran qalasynda shyǵarylady.
"Attar qazaq tilinen aýdarǵanda "jylqy" sózin bildiredi. Attar – Qazaqstandaǵy shınalardyń jańa brendi. Ónimderdi Sarandaǵy "Tatneft" shına dıvızıonynyń kásiporny shyǵarady. Bul ónim Qazaqstan aýmaǵynda satylady jáne eksporttalady", -delingen "Tatneft" habarlamasynda.
"Jylqyny túrki halyqtarynyń mádenıeti men tarıhynan ajyratýǵa bolmaıdy, brend álemniń kóptegen tilinde úılesimdi estiledi", - deıdi kompanıa mamandary.
"Tatneft" zaýyty Saran qalasynda aldaǵy aılarda serıalyq ónim shyǵarýdy bastaıdy. Kásiporynnyń óndiristik qýaty jylyna 3 mıllıon jeńil shına jáne 500 myń júk shınasyn shyǵarýǵa jetedi.
"Tatneft"- Reseıdegi eń iri munaı kompanıalarynyń biri, bas keńsesi Tatarstanda ornalasqan. Ol negizinen Tatarstanda munaı men gaz óndiredi jáne "Taneko" munaı óńdeý zaýyttarynyń keshenin basqarady.