Bul týraly ǵalymdardyń sońǵy zertteýlerine silteme jasaı otyryp, sheteldik basylymdar jazýda.
Ǵalymdar onkologıalyq aýrýlarmen kúresýdiń jańa joly – júıke júıesi arqyly ekenin alǵa tartyp otyr.
Olar qaterli isik jasýshalary dáneker tinderdi, qan tamyrlaryn jáne tipti júıke júıesin baǵyndyra alatynyn túsindi. 1990 jyldardyń aıaǵynda júrgizilgen tájirıbeler neırondardyń isikterdiń ósýi men damýynda belsendi ról atqaratynyn dáleldedi.
Belgili bolǵandaı, neırondar neırıtterdi rak kletkalaryna «tastaıdy», bul óz kezeginde saý jasýshalarǵa arnalǵan kópirge aınalady.
2013 jyly AQSH-ta júrgizilgen eksperıment barysynda ǵalymdar naýqastyń júıke talshyqtaryn kesip, osylaısha qaterli isiktiń taralýyn toqtatty. Bul asqazan, baýyr jáne teri qaterli isigine de áser etedi.
«Qaterli isik kletkalarynyń deneniń barlyq resýrstaryn, sonyń ishinde júıke júıesin tartý qabileti shynymen tań qaldyrady», – delingen basylymda.
Alaıda ǵalymdar úshin bul álsiz jerdi tabý múmkindigi ekendigi naqtylandy. Qaterli isik neıroterapıasy hımıoterapıa, hırýrgıa, ımmýnoterapıaǵa qosymsha jańa emdeý ádisi bolýy múmkin.