Ásirese, eresekter arasynda.
Al 2 jasqa deıingi balalar arasynda qyzylshaǵa shaldyǵý kórsetkishi tómendep keledi, dep habarlaıdy Almaty-akshamy.kz
Astananyń bas sanıtarlyq dárigeri Sarhat Beısenova qyzylsha aýrýyna qatysty sońǵy málimetti jarıalady.
Resmı málimetke sáıkes, jyl basynan beri elordada qyzylshanyń 1890 bastapqy jáne 532 rastalǵan jaǵdaıy tirkeldi, sonyń ishinde 14 jasqa deıingi 381 bala bar. Al 2 jasqa deıingi balalar arasynda qyzylshaǵa shaldyǵý kórsetkishi tómendep keledi. Atap aıtqanda, 1 jasqa deıingi balalar arasynda 15 prosentke (692,7-den 589,4-ke), bir jastaǵy balalar arasynda 8,5 prosentke (880,2-den 805,3-ke), al 2 jastaǵy balalar arasynda 21,3 prosentke (701,6-dan 551,9-ǵa) azaıdy.
"Kórsetilgen jastaǵy syrqattardyń azaıýy – bul qosymsha jappaı ımmýndaýdyń nátıjesi. Alaıda eresekter arasynda syrqattaný kórsetkishi ósti, naýqastar 25,2-den 40,2-ge deıin nemese 37,3%-ǵa artty", - dedi Beısenova.
Onyń aıtýynsha, qalada ınfeksıany kóbinese qyzylshaǵa qarsy ekpe almaǵan adamdar taratady. Búginde aýyryp qalǵandardyń 68 prosenti osy sanatqa jatady.