Qaraǵandyda 17 jastaǵy jasóspirim iri kólemdegi esirtkimen qolǵa tústi. Tártip saqshylarynyń málimetinshe, ol esirtki qylmysyna qarsy is-shara barysynda qoqys polıgony mańynda ustalǵan, dep habarlaıdy Aqshamnews.kz Qaraǵandy oblystyq polısıa departamentine silteme jasap.
Tekserý kezinde jasóspirimniń qaltasynan zamanaýı gadjetter – iPhone 14 jáne qylmystyq áreketke qatystylyǵyn aıǵaqtaıtyn hat-habar saqtalǵan iPhone 11 tárkilendi. Sonymen qatar qara ızolentaǵa oralǵan, salmaǵy shamamen 15 gram bolatyn 20 túıinshek tabyldy. Saraptama bul zattyń sıntetıkalyq esirtki – «A-PVP» ekenin anyqtady.
Tergeý barysynda ol qylmysyn moıyndap, bir jarym aı buryn kýrer-býkmeker retinde jumys isteı bastaǵanyn aıtqan. Osy ýaqyt ishinde Qaraǵandy mańyndaǵy jasyryn qoımalardan 20-40 túıinshekten turatyn iri partıany segiz ret alyp, Abaı, Shahtınsk jáne Qaraǵandy qalalarynda esirtki taratqan.
Qazir qylmystyń barlyq mán-jaıyn anyqtaýǵa jáne esirtki jelisiniń basqa qatysýshylaryn tabýǵa baǵyttalǵan tergeý amaldary júrgizilip jatyr. Polısıanyń aıtýynsha, mundaı sharalar aımaqtaǵy esirtki qylmysymen kúrestiń tıimdiligin kórsetedi.