Senbí kúní elímízdíń basym bólígí tsıklondyq áreket pen atmosferalyq fronttardyń yqpalynda bolady, dep habarlaıdy Aqshamnews.kz tílshísí «Qazgıdromet» RMK baspasóz qyzmetíne síltep.
Meteorologtardyń málímetínshe, soltústík-batys óńírlerde jańbyrmen qatar naızaǵaı kútílíp, būrshaq pen qatty jel soǵuy múmkín. Al ońtústík, shyǵys jáne ońtústík-shyǵysta negízínen jauyn-shashynsyz aua raıy saqtalady. Respublıka boıynsha jel kúsheıíp, ońtústíkte shańdy dauyl soǵady. Soltústík pen shyǵysta túngí jáne tańǵy uaqytta tūman túsuí yqtımal.
Sondaı-aq, Almaty, Aqtóbe, Ūlytau, Jetísu oblystarynda, Qaraǵandy oblysynyń batysy men soltústígínde, Aqmola oblysynyń batysy, ortalyǵy jáne ońtústígínde, Batys Qazaqstan oblysynyń soltústígí men shyǵysynda, Atyrau oblysynyń batysynda, Qostanaı oblysynyń ońtústígínde, sondaı-aq Shyǵys Qazaqstanda órt qaupí joǵary bolady.
Tótenshe órt qaupí Túrkístan, Qyzylorda, Mańǵystau, Atyrau, Jambyl oblystarynda, sondaı-aq Batys Qazaqstannyń batysynda, Almaty oblysynyń batysy, soltústígí men ońtústígínde, Jetísu oblysynyń shyǵysy men ońtústígínde, Qostanaıdyń ońtústík-batysynda, Qaraǵandynyń ońtústígínde, Aqtóbeníń ortalyǵy, shyǵysy men ońtústígínde jáne Ūlytau oblysynyń shyǵysynda saqtalady.
Astana qalasynda – auyspaly būltty, jauyn-shashynsyz. Jel ońtústík-shyǵystan soǵady, kúshí 9-14, kúndíz ekpíní 15-20 m/s. Túnde aua temperaturasy +13…+15°S, kúndíz +25…+27°S.
Almatyda – auyspaly būltty, jauyn-shashynsyz. Jel ońtústík-shyǵystan ońtústík-batysqa auysady, jyldamdyǵy 3-8 m/s. Túnde +15…+17°S, kúndíz +31…+33°S.
Shymkentte – auyspaly būltty, jauyn-shashynsyz. Jel ońtústík-batystan 8-13 m/s. Túnde +16…+18°S, kúndíz +34…+36°S.