Qazan aıynyń úshinshi onkúndiginde Qaraǵandyda erler men áıelder arasynda blıs jáne rapıdten Qazaqstan Respýblıkasynyń chempıonaty ótedi, dep habarlaıdy aqshamnews.kz.
Komandalyq týrnır 2024 jyldyń 22-26 qazanynda ótedi. Qatysýǵa Qazaqstannyń oblystarynan jáne respýblıkalyq mańyzy bar qalalardan komandalar shaqyrylady.
Komanda quramynda 3 er jáne 1 áıel bolýy kerek (rezervsiz).
10-ǵa deıin komanda qatyssa, jarys aınalymdyq júıe boıynsha ótedi. 10 komandadan kóp bolsa – shveısarıalyq júıe boıynsha 9 týr bolady.
Jeke týrnır 2024 jyldyń 26-28 qazanynda ótedi. Jarysqa jyldam shahmattan QR komandalyq chempıonatynyń qatysýshylary, halyqaralyq dárejedegi shahmatshylar, reıtıńi 2000 jáne odan joǵary erler, 1 800 jáne odan joǵary reıtıńi bar áıelder shaqyrylady.
Ýaqytty baqylaý:
Rapıd boıynsha ár júriske 10 mınýt + 5 sekýnd.
Blıs: ár júriske 3 mınýt + 2 sekýnd beriledi.
Jeke týrnır shveısarıalyq júıe boıynsha 9 týr bolady.
Chempıonattyń júlde qory 5 000 000 teńgeni quraıdy.