Almatyda 150-den astam júk kóliginiń júrgizýshileri qoǵamdyq oryndardy lastaǵany úshin jaýapqa tartyldy, – dep habarlaıdy aqshamnews.kz.
Ótken kúni polısıa qyzmetkerleri olardyń úsheýin ǵana qalanyń ár jerinde anyqtady. Birneshe qurylys nysandarynyń mańaıynda qala joldaryndaǵy jol bóliginiń lastaný deregi belgili boldy. 150-den astam júk kóliginiń júrgizýshileri qoǵamdyq oryndardy lastaǵany úshin jaýapqa tartyldy.
– Ádette, kólikterdiń dońǵalaqtaryndaǵy qoqys jol boıyna shashylyp jatady. Júrgizýshiler quqyq buzýshylyqtyń saldaryn dereý joıý sharalaryn únemi qoldana bermeıdi. Bul jaǵdaıda polısıa qyzmetkerleri QR ÁQBtK-niń 603-babynyń 1-bóligimen jáne QR ÁQBtK-niń 505-babymen hattama toltyrady. Biz áleýmettik jelilerdegi belsendi monıtorıń kezinde mundaı derekterdi bilip jatamyz. Qalalyq polıseıler jol qaýipsizdigin qamtamasyz etý, sondaı-aq qaladaǵy ekologıalyq jaǵdaıdy jaqsartý maqsatynda júk tasıtyn kólikterdiń jol qozǵalysy erejelerin saqtaýyn únemi tekseretinin atap ótkim keledi. Qurylys alańynan shyǵatyn jerdi stasıonarlyq jýǵyshpen jabdyqtaý, kireberis joldardy uıymdastyrý, betondy tóseý, laıdy shyǵarýdy boldyrmaý úshin tikeleı shyǵa beriste BÓP ornatý boıynsha “Jol qozǵalysy týraly” Qazaqstan Respýblıkasy Zańynyń talaptaryn eskermeýge jol bermeımiz, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.