Qaraǵandy oblysynda tabıǵatty qorǵaý polısıasy men "Karohotrybprom" JSHS birlesken túngi reıd barysynda eki er adamdy zańsyz ańshylyq jasady degen kúdikpen ustady, dep habarlaıdy Aqshamnews.kz tilshisi.
Bul týraly Qazaqstan Respýblıkasy İshki ister mınıstrliginiń resmı ınternet-resýrsy habarlady.
Málimetke sáıkes, Qaraǵandy qalasynyń 48 jáne 40 jastaǵy turǵyndary túngi saǵat eki shamasynda qolǵa túsken. Olardyń ańshylyqqa ruqsat beretin lısenzıasy bolǵanymen, tirkeýden ótpegeni anyqtaldy. Mundaı tirkeý ań aýlaý kvotasyn baqylaý jáne brakonerliktiń aldyn alý úshin qajet.
Oqıǵa ornynan eki birdeı kıik týshasy, bir uńǵyly myltyq jáne oq-dáriler tárkilendi.
Atalǵan derek boıynsha qylmystyq is qozǵalyp, sotqa deıingi tergeý júrgizilip jatyr.