Aqtóbe oblystyq kámeletke tolmaǵandardyń isteri jónindegi mamandandyrylǵan aýdanaralyq soty Temir aýdanynda 9-synyp oqýshysynyń qazasyna baılanysty qylmystyq isti qarady, dep habarlaıdy Aqshamnews.kz tilshisi. Bul týraly oblystyq sottardyń baspasóz qyzmeti habarlady.
Sot materıaldaryna sáıkes, 2024 jyldyń qyrkúıeginde Temir aýdanynda 10-11 synyp oqýshylary 9-synyp oqýshylaryna «qurmetsizdik kórsetti» degen sebeppen shabýyl jasaǵan. Soqqy saldarynan 9-synyp oqýshysy oqıǵa ornynda kóz jumdy.
Sot barysynda kámeletke tolmaǵan aıyptalýshylar óz kinásin ishinara moıyndap, ókinish bildirdi. Úkim shyǵarý kezinde olardyń jasy jeńildetetin mán-jaı retinde eskerildi, al «B», «T», «J», «J-1» jáne «Q»-nyń qylmysty uıymdastyrýdaǵy belsendi róli aýyrlatatyn jaǵdaı dep tanyldy.
Úkimge sáıkes:
-
«B» jáne «T» — QR Qylmystyq kodeksiniń 293-baby 2-bóligi 1,3-tarmaqtary jáne 28-baby 3-bóligi, 106-baby 3-bóligi boıynsha kináli dep tanylyp, 6 jyl 8 aıǵa bas bostandyǵynan aıyryldy. Sonymen qatar, kámeletke tolmaǵan «T»-nyń zańdy ókilinen jábirlenýshi tarapqa moraldyq zıan ótemi retinde 5 mln teńge óndirildi.
-
«M» — QR QK 106-baby 3-bóligi boıynsha kináli dep tanylyp, 6 jyl 8 aıǵa bas bostandyǵynan aıyryldy.
-
«Q», «J» jáne «J-1» — QR QK 293-baby 2-bóligi 1,3-tarmaqtary boıynsha kináli dep tanylyp, 1 jylǵa bostandyǵyn shekteý jazasyna kesildi. Al QK 28-baby 3-bóligi men 106-baby 3-bóligi boıynsha kináliligi dáleldenbegendikten, olar aqtaldy.