Qazaqstan sınoptıkteri 7 qazanda el aýmaǵynda kóbine ashyq kún raıy saqtalatynyn aıtty, dep habarlaıdy Aqshamnews.kz tilshisi.
Jaýyn-shashyn kútilmeıdi, tek soltústikte jáne shyǵysta túnde ári tańerteń tuman túsip, keı jerlerde azdaǵan úsik júrýi múmkin. Ońtústik óńirlerde jyly ári qurǵaq aýa raıy jalǵasady.
Negizgi qalalardaǵy aýa raıy boljamy
-
Astana – bult aralas ashyq, jaýyn-shashynsyz. Shyǵys baǵyttaǵy jel túnde 3–8 m/s, kúndiz 7–12 m/s. Temperatýra túnde 0…–2°C, kúndiz +10…+12°C.
-
Almaty – bult aralas ashyq, jaýyn-shashynsyz. Soltústik-shyǵystan 3–8 m/s jel soǵady. Túnde –1…–3°C, kúndiz +14…+16°C.
-
Shymkent – azdap bultty, jaýyn-shashynsyz. Shyǵystan 5–10 m/s jel. Túnde +6…+8°C, kúndiz +23…+25°C.
Óńirler boıynsha boljam
-
Soltústik Qazaqstan — Qostanaı, Kókshetaý, Petropavl, Pavlodar men Qaraǵandy aımaqtarynda túnde –1…–3°C shamasynda sýyq bolyp, keı jerlerde topyraq betinde azdap úsik júredi. Tańerteń tuman túsýi yqtımal. Kúndiz +7…+12°C aralyǵynda jylynady.
-
Shyǵys Qazaqstan — Semeı men Óskemende túnde –2…–4°C deıin salqyndap, kúndiz +6…+8°C shamasynda bolady. Jel álsiz, baǵyt ózgeredi (ońtústik-shyǵystan soltústik-batysqa aýysady).
-
Batys Qazaqstan — Aqtóbe, Aqtaý, Atyraý, Oral mańynda jaýyn-shashynsyz, kún ashyq. Temperatýra túnde 0…+9°C, kúndiz +16…+24°C-qa deıin jyly. Jeldiń ekpini keı jerlerde 9–14 m/s jetýi múmkin.
-
Ońtústik Qazaqstan — Qyzylorda, Taraz, Túrkistanda jyly ári qurǵaq aýa raıy saqtalady. Keı óńirlerde shańdy daýyl kóterilýi yqtımal. Kúndiz +17…+25°C-qa deıin kóteriledi, túnde 0…+7°C aralyǵynda.