Imam jáne ıslamtanýshy Nurlan Baıjigituly áleýmettik jeliler arqyly qara jamylýǵa qarsy kózqarasyn bildirdi, dep habarlaıdy almaty-akshamy.kz
Onyń paıymdaýynsha, qara jamylý qazaq dininde de, saltynda da joq dástúr.
Imam muny ulttyq dástúrler men qundylyqtarǵa qaıshy keletin ádet retinde sıpattaıdy jáne qoǵamdy osyndaı kórinisterge qarsy turýǵa shaqyrady.
Ol Qudaıǵa degen senim men taqýalyqtyń syrtqy kórinisten góri, otbasyna durys tárbıe berý, adal jar bolý jáne Otanǵa adaldyq sıaqty ishki qasıetter arqyly kórinetinin atap ótti.
Sonymen qatar, Nurlan Baıjigituly ulttyq aspaptardy haram dep sanaıtyn kózqarastarǵa da jaýap berdi. Ol dombyra men gıtaranyń eshqandaı dinı kedergisiz, qazaqtyń mádenı murasy retinde qabyldanýy tıis ekenin aıtady.
Imam dombyranyń árbir pernesinde qazaqtyń zary men muńy bar ekenin, onyń árbir qazaq úshin qasterli ekenin atap ótti.
Ol ár shańyraqta balalarǵa dombyra tartýdy úıretýdiń mańyzdy ekenin naqtylady.