«Dármen» mobıldi qosymshasy arqyly eki daýyldy eskertý taraǵan
2021 jylǵy 20 qarashada Almaty oblysy TJD qutqarýshylary adamdardy qar qursaýynan evakýasıalaý boıynsha avarıalyq-qutqarý jumystaryna 3 ret shyqty, dep habarlaıdy Almaty-akshamy.kz.
Alǵashqy qońyraý oblystyq TJD-ne saǵat 16.30-da kelip tústi, Alakól aýdanynda «Úsharal-Dostyq» avtojolynda, «Jalańashkól» ýchaskesinde qar qursaýynda jeńil avtokólik turyp qalǵany jáne onda 3 adam, onyń bireýi bala ekendigi habarlandy. Shaqyrý ornyna Dostyq stansıasynan №20 órt sóndirý bóliminiń qyzmetkerleri shyqty. Oqıǵa ornyna kelgen boıda SHQO jaǵynyn qozǵalyp kele jatqan «Toyota Camry» markaly avtokóligi ózdiginen qar qursaýynan shyqqany anyqtaldy, atalǵan kólik TJD qyzmetkerleriniń erip júrýimen Dostyq stansıasyna deıin jetkizildi»,-delingen habarlamada.
Ekinshi shaqyrtý saǵat 17.40-ta sondaı-aq Alakól aýdanynan kelip túsken, Kóktuma aýylynan 15 shaqyrym jerde Alakól kóliniń jaǵalaýynda qar qursaýynda Traktor kóligi turyp qalyp, salonda 2 adam bar ekendigi habarlanǵan. Shaqyrý ornyna Aqshı aýylynan Alakól óńiriniń jedel-qutqarý jasaǵynyń qutqarýshylary shyqty. Saǵat 20.25-te eki eresek adam Kóktuma aýylyna evakýasıalandy.
Úshinshi shaqyrý saǵat 18.20-da Kerbulaq aýdanynda Qoıankóz aýylynan 30 shaqyrym jerde, «Júzasý» ýchaskesi, taýly jer, aýyl jolyynda «Toyota Hilux» markaly jol talǵamaıtyn kólik qar qursaýynda qalyp qoıdy, salonda 4 eresek adam bar ekendigi habarlanǵan. Saǵat 23.30-da Saryózek aýylynyń №19 órt sóndirý bólimi qyzmetkerleriniń kúshimen osy avtokólikten barlyq jolaýshylar sharýa qojalyǵynyń aýmaǵyna evakýasıalandy.
«Evakýasıalanǵandardyń eshqaısysy zardap shekken joq jáne medısınalyq kómekke muqtaj emes»,-delingen habarlamada.
Esterińizge sala keteıik, 2021 jyldyń 20 qarashasynda Almaty oblysy TJD SMS joldaý, BAQ jáne «Dármen» mobıldi qosymshasy arqyly eki daýyldy eskertý taraǵan bolatyn:
1 - Almaty oblysynyń Alakól kólderi aýdanynda ońtústik-shyǵystan jel soǵady, jeldiń ekpini 23-28 m/s jetedi;
2 - 20 qarasha kúni saǵat 14.30-dan bastap aýa raıynyń nasharlaýyna baılanysty (qatty boran, burqasyn) Respýblıkalyq mańyzy bar "Úsharal-Dostyq" avtojolynda (84-ten 184 shaqyrymyna deıin) barlyq avtokólik túrleri úshin qozǵalys jabyldy.
Óz kezeginde Almaty oblysynyń TJD azamattarǵa qysta alys jolǵa shyǵar aldynda mindetti túrde aýa raıy boljamymen tanysý, 112 qyzmetiniń SMS habarlamalaryn elemeý jáne tótenshe jaǵdaılarda sizge kómektese alatyn barlyq qajetti zattardy ózimen birge alyp júrý qajettigin eskertedi.