Sınoptıkter kún sýytatynyn aıtty.
«Qazgıdromet» RMK Qazaqstan boıynsha 2023 jylǵy 24-26 qazanǵa arnalǵan aýa raıy boljamyn usyndy, dep habarlaıdy Almaty-akshamy.kz.
Aldaǵy kúnderi Qazaqstanda turaqsyz aýa raıy saqtalady.
«Atmosferalyq fronttardyń birneshe júıesi bar tereń jáne belsendi Soltústik sıklon Qazaqstan turǵyndaryna qystyń jaqyndap kele jatqanyn eske salady. Elimizde qatty jel, kóktaıǵaq qubylystary, jańbyr men qar túrindegi jaýyn-shashyn saqtalady. Barıkalyq alqaptardyń tez ózgerýi búkil respýblıka boıynsha temperatýranyń qysqa merzimdi joǵarylaýyna ákeledi, biraq kezeńniń sońynda Skandınavıa túbeginiń aımaqtarynan sýyq arktıkalyq aýa massalarynyń enýi elimizdiń batys, soltústik-batys jáne soltústik aımaqtarynda salqyndaýǵa ákeledi», delingen habarlamada.