Almaty oblysyndaǵy Qapshaǵaı jaǵajaıynda demalys kúnderi 40-qa jýyq bala joǵalady.
«Buǵan basty sebep - ata-analardyń jaýapsyzdyǵy», - deıdi qutqarýshylar.
Óńirde kún ysyǵaly beri, sýǵa túsetinder kúrt kóbeıgen. Kún saıyn 4-10 jas aralyǵyndaǵy 5-6 baladan joǵalyp jatady, dep habarlaıdy Almaty-akshamy.kz
Olar kóp jaǵdaıda tabylady. Degenmen, qutqarýshylar qaıǵyly oqıǵany boldyrmas úshin, ata-analarǵa barynsha saq bolyp, balalardy qaraýsyz qaldyrmaýdy eskertip otyr.
Eske salaıyq, 10 kún buryn Qapshaǵaı sý qoımasynda bir úıdiń tórt birdeı adamy sýǵa ketken. Olardyń arasynda 2 bala bar.