Reseıge engizgen qarsy shekteý sharalaryna baılanysty Estonıa temirjolymen júk tasymaldaý kólemi 60%-dan astamǵa azaıǵan.
Estonıanyń Operail degen memlekettik temirjol kompanıasy sanksıalarǵa baılanysty Reseı taýarlaryn tasymaldaı almaıdy. Endi Qazaqstan, Ózbekstan jáne Túrkimenstannan júk jetkizbek. Bul týraly kompanıa basshysy Raýl Toomsalǵa ERR telearnasyna aıtty, dep habarlaıdy Almaty-akshamy.kz Inbusiness.kz silteme jasap.
«Byltyr aıyna orta eseppen 1,2 mln tonna júk tasymaldadyq. Osy jyldyń birinshi jartysynda, ásirese, maýsym aıynda júk tasymaly óte qatty tómendep ketti. Qazir aıyna 500 myń tonnadan az tasymaldaımyz», - dedi Toomsalý.
Onyń aıtýynsha, Reseıge qarsy shekteý sharalaryna baılanysty Estonıa temirjolymen júk tasymaldaý kólemi 60%-dan astamǵa azaıdy. Kompanıa toqtap turǵan jyljymaly quramdy iske qosý úshin Ortalyq Azıa elderi: Qazaqstan, Ózbekstan jáne Túrkimenstannan júk izdestirip jatyr.
Operail basshysy Ortalyq Azıa elderiniń arasynda Qazaqstannyń áleýeti zor ekenin aıtty. Taýardy Baltyq dálizi men Fınlándıa arqyly tasymaldaýǵa bolady. Sol jerden kómir tasýǵa bolady. Degenmen Reseı óziniń temir joly arqyly Estonıaǵa bara jatqan vagondardy kez kelgen sáte toqtatyp tastaı alady.