35 mekeme ıesimen profılaktıkalyq áńgime júrgizildi.
Almatyda qonaqtary kalán shekken oıyn-saýyq mekemeleri jaýapqa tartyldy, dep habarlaıdy Polisia.kz.
Qalanyń oıyn-saýyq mekemelerinde kalándy qoldaný boıynsha ákimshilik quqyq buzýshylyqtardy anyqtaýǵa baǵyttalǵan profılaktıkalyq is-shara aıasynda aýdandyq bólimshelerge qarasty JPQB ÝPI qyzmetkerleri, qoǵamdyq kómekshiler men «Temekisiz Almaty» koalısıasynyń ókilderi túngi ýaqytta jazǵy kafeler, barlar men meıramhanalardy tekserdi.
Táýlik ishinde QR ÁQBtK-niń 441-baby (Temeki ónimderin tutynýǵa tyıym salýdy buzý) boıynsha 32 zań buzýshylyq anyqtaldy.
«Bul shara Almaty qalasynyń barlyq jazǵy mekemelerinde kalándy tutynýdy toqtatýǵa oń serpin alǵansha jalǵasady», – dedi Almaty qalasy PD JPQB bastyǵy Erjan Uzabaev.