Táttige degen táýeldilikten qutylýǵa bola ma?
Amerıkandyq dáriger-dıetolog Lora Býrak aǵzadaǵy qantqa degen suranysty qandaı azyq-túlik ónimderiniń kómegimen ornyn toltyrýǵa bolatyny jóninde aıtty. Ǵylym magıstriniń sózin Eat this, not that basylymy keltirgen.
Sonymen, Lora Býraktyń aıtýynsha, deneni kóptegen qorektik zattarmen qamtamasyz etetin jáne toqshylyq sezimin uzaq saqtaıtyn ónimderdiń kómegimen táttige degen áýestikti jeńýge bolady, dep habarlaıdy Almaty-akshamy.kz REN-tv-ǵa silteme jasap.
Jańǵaq týra osyndaı azyq-túlikter qataryna kiredi.
«Jańǵaqtyń quramyndaǵy aqýyzdar men maılar jáne asa kóp mólsherdegi jasunyqtaǵy qant mólsherin turaqtandyrýǵa kómektesedi jáne adam ózin toq sezinip, qanaǵattanady», - dep sanaıdy sarapshy.
Osylaısha táttige degen qajettilikti, suranysty basýǵa bolady. Maman býterbrodqa avokado qosýǵa nemese záıtún maıymen jáne lımonmen sebeleýge keńes beredi.
Dıetolog aǵzanyń tátti jeýge qumar bolýy qalypty jaǵdaı ekenin aıtty, sebebi aǵzaǵa da qant qajet. Biraq ony tabıǵı jolmen tutyný kerek, mysaly, jemis-jıdekterden alǵan jón. Qanttyń ornyn almastyra alatyn azyq-túliktiń biri – sapaly ıogýrt.
Dáriger konfetter men basqa da oǵan uqsas táttilerdiń ornyn paıdaly táttimen almastyrsa, osy ádis arqyly ýaqyt óte kele adamnyń táttige degen áýestigi birte-birte azaıa bastaıdy.