2021 jyly Qazaqstan IMD Halyqaralyq menedjmentti damytý ınstıtýtynyń jyl saıynǵy reıtıńinde 41-oryn aldy
QR Ulttyq ekonomıka mınıstrliginiń dereginshe, «IMD-2021 jylǵy reıtıńte Qazaqstan óz pozısıasyn 3 tarmaqqa jáne 2020 jylǵy reıtıńpen salystyrǵanda 1,22 balǵa jaqsartyp, 54,22 baldyq nátıjemen 41-oryn aldy», - delingen IMD habarlamasynda, dep habarlaıdy Almaty-akshamy.kz
IMD talanttar reıtıńi óziniń básekege qabilettiligin nyǵaıtý úshin talanttardy damytý jáne tartýdaǵy ekonomıkanyń áleýetin kórsetedi. Aǵymdaǵy jyly Qazaqstan reıtıńtiń 2 faktory boıynsha óz pozısıasyn jaqsartqan.
«Tartymdylyq» faktory boıynsha Qazaqstan 8 pozısıaǵa joǵarylap, 39-orynǵa ıe boldy. Bul qorytyndy reıtıńke aıtarlyqtaı áser etti. Jaqsarý «Ómir súrý qunynyń ındeksi» boıynsha 3 oryn, «Jeke tulǵalardan alynatyn tabys salyǵy» boıynsha 7 oryn, «Sheteldik joǵary bilikti kadrlar» boıynsha 25 oryn kórsetkishteri boıynsha kúshti pozısıalarmen túsindiriledi.
«Daıyndyq» faktory boıynsha Qazaqstan óz pozısıasyn 7 tarmaqqa jaqsartyp, 43-oryn aldy. Jaqsarý «Joǵary býyndaǵy quzyretti basshylar» boıynsha 18-oryn, «Qarjylyq daǵdylar» boıynsha 29-oryn, «Halyqaralyq tájirıbe» kórsetkishi boıynsha 29-oryn kórsetkishteri boıynsha kúshti pozısıaǵa qol jetkizýmen túsindiriledi.
Qazaqstan Vengrıa (42 oryn), Taıland (43 oryn), Polsha (45 oryn), Ýkraına (46 oryn), Reseı (47 oryn), Chılı (48 oryn), Túrkıa (53 oryn) tárizdi elderden alda. 2021 jylǵy zertteýge 64 el qatysyp otyr.
Reıtıń ádistemesine sáıkes, ekonomıkanyń kadrlyq rezerviniń sapasyn baǵalaý birneshe faktorlarǵa negizdeledi. «Tartymdylyq» faktory halyqaralyq kadr rezervi ókilderin tartýmen qatar ekonomıkanyń jergilikti talanttardy qanshalyqty saqtap otyrǵanyn kórsetedi. «Daıyndyq» faktory eldegi qoljetimdi daǵdylar men quzyretterdiń sapasyn baǵalaıdy.