QR İshki ister mınıstrliginiń Tergeý departamentiniń bastyǵy Sanjar Ádilov qańtar oqıǵasy boıynsha 150 adam aýyr qylmys jasady degen kúdikke ilingenin málim etti, dep habarlaıdy Almaty-akshamy.kz QazAqparatqa silteme jasap.
«Búgingi tańda ishki ister organdary tergeýshileriniń óndirisinde buryn qabyldanǵan sheshimderdi qospaǵanda, 1150 qylmystyq is bar. Olardyń negizgi bóligin urlyq qylmysy quraıdy – 157. Qarýdyń zańsyz aınalymy boıynsha 146, qasaqana bótenniń múlkin búldirý boıynsha 23 is bar.Osy ister boıynsha 150 adam aýyr qylmys jasady degen kúdikpen kúzetpen ustalýda», - dedi Tergeý dapartamentiniń bastyǵy.
Onyń sózine qaraǵanda, kúdiktilerdiń kinási qylmys jasalǵan oryndardan alynǵan beınejazbalarmen, oqıǵany kózben kórgen kýágerlerdiń málimetimen, alynǵan zattarmen dáleldenip jatyr.
«Jaqyn arada qylmystyq prosestiń úsh býyndy modeli sheńberinde jáne prokýrorlarmen kelisý boıynsha osy qylmystyq ister boıynsha túbegeıli prosestik sheshimderdi qabyldaý josparlanýda. Sonymen birge jedel jáne sapaly tergeýdiń nátıjesinde bizdiń tergeýshiler 473 aıyptalýshyǵa qatysty 288 qylmystyq isti aıyptaý aktisimen aıaqtap, sotqa joldady» , - dedi Sanjar Ádilov.
Buǵan deıin QR İİM Tergeý departamentiniń basshysy Sanjar Ádilov qańtar oqıǵasy kezinde, ásirese, úsh óńirde nysandar qatty tonalǵanyn aıtqan edi.