QR Bas sanıtar dárigeriniń koronavırýs ınfeksıasyna qarsy qaıta vaksınalaýǵa ruqsat beretin qaýlysy shyqty, dep habarlaıdy Almaty-akshamy.kz.
Atap aıtsaq, QR bas sanıtar dárigeriniń 2022 jylǵy 13 qańtardaǵy №2 qaýlysyna ózgeris engizilip otyr.
«KVI-ge qarsy, onyń ishinde Dúnıejúzilik densaýlyq saqtaý uıymy maquldaǵan vaksınalarmen vaksınasıalaýdyń tolyq kýrsyn qaıta júrgizýge jol beriledi. KVI-ge qarsy vaksınasıalaýdyń tolyq kýrsyn qaıta júrgizýge egiletin adamnyń nemese onyń zańdy ókilderiniń profılaktıkalyq egýlerdiń qaıtalama kýrsyn júrgizýge erikti túrde habardar etilgen kelisimin alǵannan keıin ǵana osy algorıtmge 1-qosymshaǵa sáıkes nysan boıynsha jazbasha túrde jol beriledi», - dep jazylǵan qujatta.
Qujatqa sáıkes, koronavırýsqa qarsy tolyq qaıta vaksınalaýdan ótý úshin aldyńǵy ekpe alǵan kúnnen keıin keminde 3 aı ýaqyt ótýi kerek.
Qaýlynyń tolyq mátinin myna jerden kórýge bolady.
1 mamyrdaǵy derekke sáıkes, elimizde koronavırýsqa qarsy vaksınalaýdyń tolyq kýrsyn 9 246 600 adam aldy. QR Densaýlyq saqtaý mınıstri Ajar Ǵınıattyń málimeti boıynsha, revaksınalaýdan 2,4 mln adam ótken.