QR Bas prokýratýrasynyń málimetinshe, 2022 jylǵy qańtar oqıǵasy úshin 1396 adam sottalǵan.
Bas prokýratýra tergeý áli de júrip jatqanyn habarlady.
"Qańtar oqıǵasyn tergep-tekserý jalǵasyp jatqanyn habarlaımyz. Sondyqtan QR Qylmystyq is júrgizý kodeksiniń 201-babynyń talabyna saı, aqparat jarıalanbaıdy. Osy oqıǵalarǵa qatysy bar-joǵy týraly jetkilikti dálelder alynǵan tulǵalar qylmystyq jaýapkershilikke tartylyp, búginge deıin 1396 adam sottaldy", - QR Bas prokýratýrasy habarlamasynda.
Jappaı tártipsizdikterge qatysqany jáne ony uıymdastyrǵany úshin 574 adam, onyń 12-si jappaı tártipsizdikti uıymdastyrǵany úshin sottaldy.
Sonymen qatar prokýratýra qaıǵyly oqıǵalar aıasynda 2960 qarý urlanǵanyn, onyń 1 myńnan astamy tabylǵanyn, qalǵan qarý-jaraq áli izdestirilip jatqanyn habarlady.