Qazaqstanda 48 orfandyq nemese sırek kezdesetin aýrýlar boıynsha 96 dárilik zatpen ambýlatorıalyq deńgeıde tegin qamtamasyz etý kózdelgen, dep habarlaıdy almaty-akshamy.kz
Bul rette orfandyq aýrýlary bar pasıentterdi emdeýge arnalǵan preparattardy qarjylandyrý úlesi ambýlatorıalyq dári-dármekpen qamtamasyz etýdiń jalpy búdjetiniń 25%-dan astamyn qurady, sırek kezdesetin aýrýlardan zardap shegetin pasıentterdiń ózderiniń sany dári-dármek alatyn pasıentterdiń jalpy sanynyń 1%-yn ǵana quraıdy.
2023 jyly respýblıkalyq búdjettiń esebinen Biryńǵaı dıstrıbútor ambýlatorıalyq dári-dármekpen qamtamasyz etý úshin 74 mlrd. teńge somasyna orfandyq preparattardy satyp aldy, degenmen 2020 jyly bul soma 29,3 mlrd. teńgeni qurady jáne 20 mlrd. teńgege stasıonarlyq deńgeıde dári-dármekter satyp alyndy.
Sonymen qatar, máslıhattardyń sheshimi boıynsha 2023 jyly jergilikti búdjettiń esebinen orfandyq aýrýlardy emdeýge 15,7 mlrd.teńge kóleminde qarjy bólindi.
Pasıentterdiń shekteýli sany úshin qymbat preparattar el búdjetine joǵary aýyrtpalyq túsiretinin aıta ketý kerek. Orfandyq dári-dármekterdi satyp alý shyǵystaryn taldaý 47 orfandyq preparattyń eń qymbat ekenin kórsetti. Mysaly, 1 pasıentti emdeý kýrsynyń ortasha quny Mýkopolısaharıdoz aýrýy kezinde Elosýlfaza álfa 131,3 mln. teńgeni, julyn bulshyqet atrofıasy aýrýy kezinde Nýsınersen 114,3 mln. teńgeni, Dúshenniń bulshyqet dıstrofıasy aýrýy kezinde Atalýren preparaty 147,8 mln. teńgeni, Fabrı aýrýymen aýyrǵan kezde Agalzıdaza beta preparaty 68,3 mln. teńgeni quraıdy.
Halyqaralyq praktıkada mundaı pasıentterdi emdeý men qoldaý úshin negizgi shyǵyndar kóbinese qaıyrymdylyq kómek arqyly jabylady.
El Prezıdentiniń Jarlyǵymen qurylǵan "Qazaqstan halqyna" qoǵamdyq qory 2022 jyldan bastap 40 mlrd teńgege jýyq somaǵa orfandyq aýrýlary bar 389 pasıentti qaıyrymdylyq qarajatynyń esebinen qamtamasyz etti. Qazaqstan Respýblıkasynda orfandyq (sırek kezdesetin) aýrýlarǵa 100 000 halyqqa shaqqanda 50 jaǵdaıdan aspaıtyn aýrýlar jatady.