Almaty qalalyq sotynyń qylmystyq ister jónindegi alqasy 2022 jyldyń qańtar oqıǵalary kezinde ákimdik pen prezıdent rezıdensıasyna shabýyl jasaǵany úshin aıyptalǵan 11 adamnyń apelásıalyq shaǵymyna qatysty sheshim shyǵardy.
Sot prokýrordyń ótinishin ishinara qanaǵattandyryp, aıyptalýshylar men olardyń advokattarynyń shaǵymdaryn qanaǵattandyrmady. Sottalǵandardyń biri Aqjol Jandarbekovtyń jazasy segiz jylǵa deıin kúsheıtildi.
Al qalǵan sottalýshylar — Arman Alımbaev, Nursultan Baıkısıev, Daýren Bakıev, Nurtas Qaraneev, Qosaı Mahanbaev, Rysbek Mamyrov, Serikbol Orynǵazın, Abıdolla Taýbaı, Serik Kekilbaev jáne Tursynbaı Alpysbaev — úshin jazanyń merzimi ózgerissiz qaldy.
Olardyń kópshiligi bir jyl segiz aıǵa bas bostandyǵynan aıyrylǵan. Tek Kekilbaev pen Alpysbaevqa bir jyl toǵyz aıǵa bas bostandyǵynan aıyrý jazasy berildi.
Qorǵaý tarapy úkimdi jeńildetýdi jáne túrme jazasyn shartty jazamen aýystyrýdy suraǵanyna qaramastan, sot aıyptaý jaǵynyń ótinishin qoldady.