«QazQSǴZI» AQ úlgilik jáne ındıvıdýaldy jobalaý ortalyǵynyń mamandary shaqyrý boıynsha Máskeý oblysynyń Dzerjınskıı qalasynda ornalasqan «KORF» zaýytyna bardy.
Onda oqýdan ótip, óndiristik prosestermen tanysty.dep habarlaıdy aqshamnews.kz Ónerkásip jáne qurylys mınıstrligine silteme jasap.
«KORF» zaýyty aýa almasý, jylytý men salqyndatý júıelerine arnalǵan jabdyqtardyń jetekshi óndirýshisi bolyp tabylady jáne óziniń ınovasıalyq sheshimderimen jáne avtomattandyrýdyń joǵary deńgeıimen tanymal.
Sapar barysynda qatysýshylar shtamptaý, jabdyqtardy qurastyrý jáne korpýstardy boıaý jelilerimen tanysty, sondaı-aq bloktyq jylý pýnktin qurastyrý barysyna qatysty.
Ekskýrsıa mamandarǵa jabdyqtardy quraý prosesi men ónimniń sapasyn baqylaýdy tolyq zertteýge múmkindik berdi.
Oqý ortalyǵynda semınar ótti, onda ǵımarattardyń klımattyq júıelerin jobalaý máseleleri, «KORF» ónimderiniń erekshelikteri men múmkindikteri, sondaı-aq saladaǵy ózekti trendter men jańalyqtar talqylandy.
Kelesi kezeńde mamandar arnaıy maqsattaǵy jabdyqtardy qurastyrý jelilerimen tanysty. Onyń ishinde jarylysqa tózimdi qondyrǵylar, kanalsyz shatyr júıeleri jáne kiriktirilgen jylý nasosty qondyrǵylar, baseınder men akvapark jabdyqtary bar. Oqytý klımattyq jabdyqtardy baǵdarlamalyq irikteý boıynsha semınarmen jalǵasty, onda jalpy almasý men órtke qarsy jeldetý sheshimderi, tońazytqysh jabdyqtary jáne dáldikti qamtamasyz etetin kondısıonerler qarastyryldy.
Sapar sońynda qatysýshylar avtomattandyrý jáne dıspecherleý bloktaryn qurastyrý jáne jóndeý bóliminiń jumysymen, sondaı-aq ónimniń sapasyn tekserý kezeńderimen tanysty. Oqý ortalyǵyndaǵy semınardyń ekinshi bólimi klımattyq jabdyqtardy avtomatty túrde tańdaýǵa jáne aýa almasý, sýytý men órt sóndirý júıelerin jobalaý tehnologıalaryna arnaldy, mamandar programmalyq jasaqtamanyń fýnksıonaldyǵy týraly óz pikirlerimen bólisti.
Zaýytpen tanysyp, semınarlarǵa qatysý arqyly «QazQSǴZI» AQ mamandary klımattyq júıelerdi jobalaý jáne paıdalaný salasyndaǵy bilimderin arttyrdy, bul oryndalatyn jumystardyń sapasyn arttyrýǵa yqpal etedi.