Qazaqstan Respýblıkasy Aýyl sharýashylyǵy mınıstrliginiń Jer resýrstaryn basqarý komıtetiniń Qyzylorda oblystyq departamenti sýarmaly ınjenerlik daıyndalǵan jerlerdiń paıdalanylýyn memlekettik baqylaý nátıjesinde 133 agroqurylymymen 14,3 myń gektar kólemindegi 197 jer ýchaskesinde eginderdi almastyrý (rotasıa) sqemalarynyń saqtalmaıtyndyǵyn anyqtady, dep habarlaıdy aqshamnews.kz.
Qazaqstan Respýblıkasynyń Jer kodeksiniń 99-babynyń talaptaryna sáıkes, sýarmaly ınjenerlik daıyndalǵan jer ýchaskeleriniń ıeleri men jer paıdalanýshylar eginderdi almastyrý sqemasyn saqtaý, qajetti melıorasıalyq jáne qalpyna keltirý jumystaryn júrgizý, sondaı-aq ýchaskede bar sýarý jáne kolektor-drenajdyq júıelerdi tıisti jaǵdaıda ustaý mindetti.
Osyǵan baılanysty, Qazaqstan Respýblıkasynyń «Ákimshilik quqyq buzýshylyqtar týraly» kodeksiniń 338-babyna sáıkes, quqyq buzýshylyq jasaǵan agroqurylymdarǵa 114 fakt boıynsha eskertýler túrinde ákimshilik jazalar qoldanyldy, sondaı-aq 19 fakt boıynsha quqyq buzýshylyqty qaıtalaǵany úshin 6,3 mıllıon teńge kóleminde aıyppul salyndy.
Ákimshilik jazalarymen qatar, Qazaqstan Respýblıkasynyń Jer kodeksiniń 93, 99, 148-baptaryna sáıkes quqyq buzýshylyqtardy joıý týraly usynystar berildi.