Bul kórsetkishtiń artýyna qańtar oqıǵalary da, karantın de kedergi bola alǵan joq.
Eshteńege qaramastan, qańtar aıyndaǵy temirjoldaǵy jolaýshylar tasymaly 22 paıyzǵa, al jolaýshylarǵa kórsetiletin temirjol kóligi qyzmetteriniń baǵasy 6%-ǵa ósti, dep habarlaıdy Almaty-akshamy.kz Energyprom.kz saıtyna silteme jasap.
Aǵymdaǵy jyldyń qańtar aıynda temirjol kóligimen 1,3 mln adam qatynaǵan. Qazaqstan Respýblıkasyndaǵy qańtar oqıǵalaryna, sondaı-aq «omıkronǵa» baılanysty karantınge qaramastan, bul bir jyl burynǵy kórsetkishten 21,7%-ǵa artyq bolyp tur. Jolaýshylar tasymalynyń aınalymy 1,1 mlrd pkm qurady, bul bir jyl ishinde 36,1% artyq degen sóz.
Jolaýshylar tasymaly boıynsha kóshbasshylar - elorda (333,4 myń adam – ótken jylmen salystyrǵanda 31,1%-ǵa kóp), sondaı-aq Aqtóbe jáne Qyzylorda oblystary.
Anyqtama úshin: 2021 jylǵy qańtar-jeltoqsanda jolaýshylar tasymaly ótken jyldyń atalǵan kezeńimen salystyrǵanda 40,1%-ǵa ósip, 15,9 mln adamdy qurady.
Aǵymdaǵy jyldyń qańtar aıynda bul sektordaǵy júk tasymaly 37,1 mln tonnany qurady, bul bir jylda 10% artyq degen sóz. Júk aınalymy ótken jyldyń osy kezeńimen salystyrǵanda 17,3%-ǵa artyp, 27,2 mlrd tonna-kılometrge jetti.
Anyqtama úshin: 2021 jylǵy qańtar-jeltoqsanda temirjol kóligimen 416,1 mln tonna júk tasymaldandy, bul jylyna 0,7% artty degendi bildiredi.
Temirjol kóligi kásiporyndarynyń kiristeri bir jylda qundyq mánde 15,3%-ǵa ósip, 2022 jylǵy qańtarda 98,5 mlrd teńgeni qurady.
Salystyrý úshin: 2021 jyldyń sáıkes kezeńinde sala kásiporyndarynyń kirisi 85,4 mlrd teńgeni qurap, 15,1% -ǵa artqan.
Aǵymdaǵy jyldyń qańtar aıynda jolaýshylar temirjol kóligi qyzmetteriniń baǵasy bir jyl ishinde 5,7%-ǵa ósti. Baǵanyń bir jyldaǵy 13,1%-ǵa ósýin eń qatty sezingen Mańǵystaý oblysynyń turǵyndary boldy. Eń joǵary ósim qarqyny bar úsh aımaqqa Qostanaı (jylyna plús 8,4%) jáne Atyraý (plús 8%) oblystary kirdi. Jyldyq baǵa ósiminiń eń az kórsetkishi Shymkentte tirkeldi, bul – 1%-ǵa teń.
