№7 qalalyq klınıkalyq aýrýhananyń dárigerleriniń mýltıtártiptik jumysy qant dıabeti men jiti hırýrgıalyq patologıasy bar jas qyzdy ómirine tóngen qaýipten aman alyp qaldy, dep habarlaıdy almaty-akshamy.kz.
Almaty qalasynyń № 7 qalalyq klınıkalyq aýrýhanasynyń qabyldaý bólimshesine 21 jastaǵy qyz qant dıabetiniń qaýipti asqynýymen - dıabettik ketoasıdozben, aýyrsyný jáne ıntoksıkasıalyq sındromdarmen aýyr jaǵdaıda kelip tústi. Qant dıabetiniń aıqyn dekompensasıasyn, dıabettik komanyń kenetten damý qaýpiniń joǵarylyǵyn eskere otyryp, naýqas ketoasıdozdy joıý, qosymsha tekserý jáne odan ári basqarý emdeý taktıkasyn anyqtaý úshin shuǵyl túrde endokrınologıa bólimshesine jatqyzyldy. Aralas emdeý taǵaıyndaldy.
Almaty qalasynyń № 7 qalalyq klınıkalyq aýrýhanasynyń qabyldaý bólimshesine 21 jastaǵy qyz qant dıabetiniń qaýipti asqynýymen - dıabettik ketoasıdozben, aýyrsyný jáne ıntoksıkasıalyq sındromdarmen aýyr jaǵdaıda kelip tústi. Endokrınolog, gınekolog dárigerlerdiń, hırýrgtardyń qatysýymen mýltıtártiptik konsılıým shaqyryldy, sebebi pasıentte jiti hırýrgıalyq patologıanyń klınıkalyq kórinisteri boldy. MRT-da kishi jambas múshelerin qosymsha tekserý kezinde qursaq qabyrǵasy bulshyq etiniń absessy anyqtaldy. Operasıa jasaý týraly sheshim qabyldandy. 
«Bul jaǵdaıdyń kúrdeliligi aýyr dıabettik ketoasıdozy bar pasıentterde keıde dıabettik psevdoperıtonıt sıaqty sırek kezdesetin qubylys kezdesedi, ol jıi «jiti ish» betperdesimen búrkelenedi. Bul jaǵdaı ishtiń qatty aýyrsyný belgilerimen bilinedi jáne jiti hırýrgıalyq aýrýlarmen dıfferensıaldy dıagnostıka júrgizý kezinde qıyndyqtar týǵyzady. №7 QKA-nyń dárigerleri ujymynyń úılesimdi mýltıtártiptik jumysynyń arqasynda qyzdyń ómirine qaýip tóndiretin syrqat derkezinde anyqtaldy - ishtiń tik bulshyq etiniń absessine shuǵyl túrde operasıa jasaldy, pasıent qanaǵattanarlyq jaǵdaıda klınıkadan shyǵaryldy», - dedi № 7 QKA-nyń endokrınologıa bólimshesiniń endokrınolog-dárigeri Svetlana Kazarán.
Dárigerdiń aıtýynsha, qant dıabetimen syrqattanǵan aýrýlardyń ınfeksıalyq-qabyný aýrýlarǵa joǵary beıimdiligimen tyǵyz baılanysty. Bul baqylanbaıtyn gıperglıkemıanyń ımýndyq tózimdiliktiń tómendeýimen, mıkro jáne makroangıopatıamen, neıropatıamen qatar júrýimen tyǵyz baılanysty.
«Infeksıalyq-qabyný prosesteri qant dıabetiniń alǵashqy belgileri nemese dıabettik ketoasıdoz sıaqty asqynýlardyń paıda bolýyna sebep bolýy múmkin. Bul jaǵdaılar qant dıabeti bar pasıentter eleýli qaýipti, óıtkeni olardyń ımýndyq júıesi keıde organızmdi patogendi floradan jetkilikti qorǵanysty qamtamasyz ete almaıdy. Sonymen qatar, gıperglıkemıa ekinshi ınfeksıanyń qosylýyna ákelýi múmkin, bul jaǵdaı saýyǵý prosesin baıaýlatady» , - dep túıindedi doktor Kazarán.