Almaty qalasy áleýmettik ál-aýqat basqarmasynyń kóshi-qon júıeleri bólimi «Halyqtyń kóshi-qony týraly» zańyn basshylyqqa alady.
Etnıkalyq qazaqtar aqparatty Almaty qalasy áleýmettik ál-aýqat basqarmasynyń kóshi-qon júıeleri bóliminen ala alady, dep habarlaıdy Almaty-akshamy.kz
Kóshi-qon júıeleri bólimi óz quzyreti sheginde halyqtyń kóshi-qon salasyndaǵy memlekettik saıasatty iske asyrady, sonyń ishinde etnıkalyq qazaqtarǵa «Qandas mártebesin berý nemese uzartý» memlekettik qyzmetin kórsetip, qandas kýáligin beredi; qandas mártebesin bir ret 6 aıǵa uzartý týraly sheshim qabyldaıdy; Qazaqstan Respýblıkasynyń shet elderdegi mekemelerinen úmitkerlerdiń qandas mártebesin berýge jáne Qazaqstan Respýblıkasynda turaqty turýǵa ruqsat alýǵa ótinishteri men qujattaryn qabyldaıdy; Qazaqstan Respýblıkasy azamattarynyń shetelderde turatyn etnıkalyq qazaqtardyń arasynan týystaryn Qazaqstan Respýblıkasyna otbasyn biriktirý maqsatynda qonystandyrý úshin shaqyrtýlaryn kýálandyrady; etnıkalyq qazaqtarǵa jáne joǵary oqý ornyndarynda oqıtyn etnıkalyq stýdentterge Qazaqstan Respýblıkasynyń kóshi-qon zańdylyqtaryn túsindirý úshin qoǵamdyq birlestiktermen jáne múddeli memlekettik organdarmen qandastardyń suraqtary boıynsha «dóńgelek ústelder», kezdesýler uıymdastyrý jumystaryn júrgizedi; jergilikti memlekettik basqarý múddesinde Qazaqstan Respýblıkasynyń zańnamasymen jergilikti atqarýshy organdarǵa júkteletin ózge de ókilettikterdi júzege asyrady.
Qandas mártebesin alǵan adamdar men olardyń otbasy múshelerine usynylatyn memlekettik qoldaý sharalary, olar:
1. Etnıkalyq qazaqtar jáne olardyń otbasy músheleri Qazaqstan Respýblıkasynda turaqty turýǵa ruqsat alý kezinde óziniń tólem qabilettiligin rastaýdan bosatylady.
2. Qandas mártebesin alǵan adamdar men olardyń otbasy músheleri:
1) qandastardy beıimdeý jáne yqpaldastyrý ortalyqtarynda tegin beıimdeý jáne yqpaldastyrý qyzmetterin kórsetýmen;
2) Qazaqstan Respýblıkasynyń densaýlyq saqtaý salasyndaǵy zańnamasyna sáıkes medısınalyq kómekpen;
3) Qazaqstan Respýblıkasynyń azamattarymen teń jaǵdaıda mektepterde jáne mektepke deıingi uıymdarda oryndarmen, Qazaqstan Respýblıkasynyń Úkimeti aıqyndaıtyn kólemde tehnıkalyq jáne kásiptik, orta bilimnen keıingi jáne joǵary bilim beretin oqý uıymdaryna oqýǵa túsýge bólingen kvotaǵa sáıkes bilim alý múmkindigimen;
4) Qazaqstan Respýblıkasynyń azamattarymen teń jaǵdaıda áleýmettik qorǵalýmen;
5) Qazaqstan Respýblıkasynyń zańnamasyna sáıkes jumyspen qamtýǵa járdemdesýmen qamtamasyz etiledi.
Etnıkalyq qazaqtar qol jetimdi túrde memlekettik qyzmetterdi kórsetý zańyna sáıkes tolyq jáne senimdi aqparatty Almaty qalasy Áleýmettik ál-aýqat basqarmasynyń kóshi-qon júıeleri bóliminen ala alady.
Basqarmanyń meken-jaıy: Almaty qalasy, Dostyq dańǵyly, 85 úı, 3-qabat, 310-keńse, anyqtama telefony: 8 (727) 338-30-46.