Dárigerlerdiń aıtýynsha, qazir jansaqtaý bólimindegi pasıentterdiń bir de biri vaksına almaǵan.
Almatyǵa Qyzylorda qalasynan kelgen áıel SOVID-19 juqtyryp, aýyr halde aýrýhanaǵa túsken. İndetten jazylyp shyqqannan keıin ol KVI-ǵa degen kózqarasyn ózgertip, adamdardy ekpe alýǵa shaqyrdy, dep habarlaıdy, Almaty-akshamy.kz.
Ortalyq qalalyq klınıkalyq aýrýhana pasıentiniń tarıhy Jámıla Janaevanyń ózi Qyzylorda qalasynyń turǵyny bolyp, Almatyǵa otbasymen demalýǵa kelýinen bastalady.
«Almatyǵa kelgenimde ózimdi nashar sezindim, denemniń qyzýy kóterilip, álsizdik paıda boldy. Men bul sýyq tıgen dep oıladym, úıde bir apta boıy ımprovızasıalanǵan quraldarmen emdeldim. Jaǵdaı nasharlaı bastaǵan kezde PTR testin tapsyrdym, ol oń bolyp shyqty. Dereý "jedel járdem" shaqyrdym, ol meni ortalyq qalalyq klınıkalyq aýrýhanaǵa alyp keldi. Men dál osy aýrýhanaǵa, joǵary bilikti mamandardyń qolyna túskenime óte qýanyshtymyn. Úshinshi kúni meniń jaǵdaıym nasharlaı tústi. Nátıjesinde meni reanımasıaǵa aýystyryp, onda tórt kún boldym. Bul kúnderi jaǵdaıymnyń óte nashar bolǵany esimde. Dárigerler menen bir qadam uzamaı, udaı baqylaýda ustady», – deıdi Jámıla Janaeva.
Ol ózi muǵalim bola tura, koronavırýstyq ınfeksıa bar degenge senbegen. Bul týraly áleýmettik jelilerden kóp oqyǵan, biraq báribir senbegen. Onyń kúıeýi de nanbaǵan. Sol sebepti ol vaksınaǵa úzildi-kesildi qarsy bolǵan, áıeline de ekpe alýǵa ruqsat bermegen.
«Qazir bul aýrýdyń qıyn sátinen óttim. Árıne, halyqty osy ınfeksıany juqtyrǵan sátten bastap emdelýge shaqyramyn. Betperde kıińiz, adamdar kóp jınalatyn jerlerge barmańyz jáne mindetti túrde vaksına alyńyz. Osylaısha siz ózińizdi aýyr zardaptardan qorǵaısyz. Aıtpaqshy, kúıeýim de aýyryp qaldy, al 17 jastaǵy qyzymnyń aýrýy sımptomsyz túrde ótti. Osy aýrýhananyń barlyq qyzmetkerlerine alǵys aıtqym keledi. Olar árdaıym ár naýqasqa muqıat qaraıdy. Dárigerlerge shydamdy, tózimdi bolýdy tilegim keledi, óıtkeni olar osyndaı qıyn jaǵdaıda jumys isteıdi jáne kún saıyn bastaryn qaýip-qaterge tigip júr», – dedi Jámıla.
OQQA dárigeri Osman Qadyrovtyń aıtýynsha, búgingi tańda aýrýhanadaǵy 670 kereýettiń 620-ǵa jýyǵy emdelýshilerge tolǵan. Jansaqtaý bóliminde 57 adam aýyr halde jatyr. Olardyń eshqaısysy da vaksına almaǵan. Jalpy, aýrýhanada jatqan pasıentterdiń 98%-y vaksınalanbaǵan. Dáriger taǵy bir ret vaksınalaý kerek ekenin aıtady, sonda ǵana biz bul aýrýdy jeńe alamyz.
«Iá, vaksınasıa jasalǵandar da túsedi bizge, biraq olardyń aýrýy neǵurlym jeńil túrde ótedi. Qazir jansaqtaý bólimindegi pasıentterdiń bir de bireýi vaksına almaǵan», - dedi ol sóz sońynda.