Eger qandastarymyz elge kelemiz deıtin bolsa, esigimiz árkez ashyq - mınıstr.
Eńbek jáne halyqty áleýmettik qorǵaý mınıstri Tamara Dúısenova elimizge kóship keletin qandastarǵa qandaı jaǵdaı jasalatynyn aıtty, dep habarlaıdy Almaty-akshamy.kz Baq.kz-ke silteme jasap.
Mınıstrdiń aıtýynsha, qandastarymyz elge keletin bolsa, olarǵa jumys qarastyrylyp otyr.
«Ekinshiden, olarda baspanaly bolý múmkinshiligi bolýy kerek. Jumys orny jóninde bizdiń komıtetimiz qabyldaıtyn 7 óńirimizde arnaýly baǵdarlama jasap jatyr. Iaǵnı, kelgen kezde azamattar ár óńirdiń ózine saı mamandyqtar men salalary bar ekenin bilýi kerek. Máselen, Soltústik Qazaqstan oblysynda kóbine aýyl sharýshylyǵy bar, ol jerde qandaı mamandyqtar kerek, qandaı sala basym sol sıaqty memlekettik mekemelerde dárigerler, pedagogtardy da jumysqa tartý qaralady. Sol sebepti árbir oblys jeltoqsan aıyna deıin óziniń baǵdarlamasyn jasap shyǵady», - dedi mınıstr Ortalyq komýnıkasıalar alańynda ótip jatqan brıfıńte.
Sondaı-aq Dúısenovanyń aıtýynsha, qandastarymyzdy qamtamasyz etý tek memleket tarapynan emes, jergilikti óńirlerde qarastyrylady.
«Ekinshi baýyrlarymyz elge oralǵysy keletin bolsa, mamandyǵy sáıkes kelip tursa, turǵylyqty jerinde turyp-aq aryz jaza alady. Oǵan qandas mártebesin beriletin. Keıin elimizge kelgennen keıin jumysqa turýy kerek. Sonymen birge qolyna sertıfıkat beremiz. Ol qandastarymyz 50 paıyz jeńildikpen úı satyp alýǵa nemese Otbasy bankine qarjysyn quıyp ári qaraı basqa da múmkindik ala alady», - deıdi Tamara Dúısenova.