Keıbir dárýmenderdiń jetispeýshiligi kúızelis pen uıqynyń bolmaýyna, dıetanyń buzylýyna alyp keledi.
Dáriger bizdiń kóńil-kúıimiz denedegi neırotransmıtterlerdiń mólsherine tikeleı baılanysty ekenin jáne olardyń deńgeıin qandaı taǵamdarmen teńestirýge bolatynyn aıtty, dep habarlaıdy Almaty-akshamy.kz Elorda.info-ǵa silteme jasap.
Serotonın, noradrenalın, dofamın, endorfın jáne trıptofan az bolǵan saıyn kóńil-kúı nasharlaıdy. Olardyń jetispeýshiligi stresske, uıqynyń bolmaýyna, sondaı-aq dıetanyń buzylýyna alyp keledi.
Dıetologtyń aıtýynsha, taýyq eti, sıyr eti sıaqty taǵamdar jaqsy kóńil-kúıdi saqtaýǵa kómektesedi. Óıtkeni olar V12 vıtamıniniń kózi bolyp tabylady. Al tırozın amın qyshqyly aǵzadaǵy dofamın deńgeıin arttyrady. Teńiz baldyry V dárýmenderiniń kóp mólsherin qamtıdy. Olar búırek ústi bezderiniń jumysyna kómektesedi. Adrenalınniń teńdestirilgen deńgeıiniń arqasynda siz shamadan tys sharshaý men jaman kóńil-kúıdi umyta alasyz.
Fosfor, kalıı, magnıı jáne temir bar banannyń paıdasy mol. Biraq bul jemistiń eń mańyzdy artyqshylyǵy - adam aǵzasyna serotonınge aınalatyn trıptofan beredi. Suly jarmasy men qaraqumyq botqasy da osy zatqa baı, sonymen qatar olar qandaǵy qant deńgeıin birkelki ete alady. Al mı jasýshalarynyń jumys isteýine kómektesetin omega-3 maı qyshqyldary jańǵaqtarda kezdesedi.