«Prezıdenttiń qoldaýy – teatr salasyndaǵy barlyq qyzmetkerler úshin úlken yntalandyrý»: Abaı atyndaǵy QazUOBT dırektorynyń orynbasary
Ulttyq quryltaıdyń IV otyrysynda Prezıdent Qasym-Jomart Toqaev: «Teatrlardyń damýy – kez kelgen eldiń mádenı deńgeıiniń mańyzdy kórsetkishteriniń biri» ekenin atap ótti. Memleket basshysy bıznesti óńirlerdegi teatrlardy qoldaýǵa belsendi qatysýǵa shaqyrdy.
Abaı atyndaǵy Qazaq ulttyq opera jáne balet teatry dırektorynyń orynbasary Qanat Qarajanov Memleket basshysynyń bul salaǵa kóńil bólýin teatr qyzmetkerleri úshin úlken yntalandyrý ekenin atap ótti.
— Bul bizge budan da belsendirek jumys isteýge, kórermenderdi jańa jobalarmen qýanta túsýge jol ashady. Shyn máninde, búgingi tańda teatrǵa degen suranys artyp keledi, adamdardyń osy óner túrine jaqyndasýǵa degen qyzyǵýshylyǵy artýda. Ásirese, kórermender arasynda jastardyń bolýy qatty qýantady.
Prezıdent teatrlardyń qajettiligi men ósip kele jatqan tanymaldyǵyn ǵana emes, sonymen qatar problemalyq máselelerdi de atap ótti. Memleket basshysy ártúrli etnostardyń teatrlaryn qoldaýǵa, sondaı-aq óńirlerdegi óner ordalaryna kómektesýge shaqyrdy. Óıtkeni olardyń kóbiniń jaǵdaıy qıyn. Prezıdent teatrlardy damytýda basymdyqty óńirlerge berýge shaqyrdy. Memlekettiń osyndaı qoldaýyn seziný – óte qýanyshty ári mańyzdy, – dedi Qanat Qarajanov.